Bir kezderi Qazaqstannyń barlyq qıyrynan óner, bilim izdep aǵylǵan aǵa býynǵa Almatydaǵy Ortalyq demalys jáne mádenıet parkin tanystyryp jatýdyń qajeti joq. Alaıda, osy qalada týyp-ósken keıingilerdiń kóbi bul saıabaq týraly bile bermeıdi. Onyń bir sebebi, munda jastar úshin oıyn-saýyqtyń basqa túri kóp bolsa, ekinshiden, kóp jyldar boıy kútim kórmeı turǵan demalys ornynda serýendeıtindeı túr qalmaǵan-dy. Taıaý kúnderi qaladaǵy eń úlken park múlki kommýnaldyq menshikke qaıtaryldy.
Bir kezderi Qazaqstannyń barlyq qıyrynan óner, bilim izdep aǵylǵan aǵa býynǵa Almatydaǵy Ortalyq demalys jáne mádenıet parkin tanystyryp jatýdyń qajeti joq. Alaıda, osy qalada týyp-ósken keıingilerdiń kóbi bul saıabaq týraly bile bermeıdi. Onyń bir sebebi, munda jastar úshin oıyn-saýyqtyń basqa túri kóp bolsa, ekinshiden, kóp jyldar boıy kútim kórmeı turǵan demalys ornynda serýendeıtindeı túr qalmaǵan-dy. Taıaý kúnderi qaladaǵy eń úlken park múlki kommýnaldyq menshikke qaıtaryldy.
Bıyl mamyr aıynyń aıaǵynda shahar basshysy qazirgi kúıi syn kótermeıtin Ortalyq saıabaqty eki apta aıasynda retke keltirýdi talap etken bolatyn. Eki apta túgili eki aı ótse de parkti demalystyń zamanaýı talaptaryna saı ete almaǵan menshik ıeleri saıabaqty mýnısıpıaldy menshikke qaıtarýǵa májbúr boldy.
Búgingi kúnderi qala ákimshiligi park kelbetin jańa zaman talǵamyna kóterý úshin jańa tujyrymdama jasaýdy qolǵa aldy.
Al ótken aptada jalpyqalalyq senbilikke oraılas kelgen osynaý oqıǵa kezinde qala ákimi Ahmetjan Esimov osyndaǵy aǵash otyrǵyzý rásimine qatysty. Velojarys máresi de osynda ótti. Senbilikke shyqqan qalalyqtardyń kópshiligi Ortalyq saıabaqty qoqystan tazartýǵa yqylastana qatysty.
Senbilik kezinde Almaty ákimi Ortalyq demalys jáne mádenıet parki jekemenshikten qaıtarylǵandyǵyn jetkizip:
– Búginnen bastap, parkke kirý tegin, biz Ortalyq parkti túgeldeı jańartyp, retke keltiretin bolamyz. Jańa aǵashtar otyrǵyzamyz. Keler jyly park kelýshilerdi jańa kelbetimen qarsy alatyn bolady, – dedi.
Sol kúni-aq parkte 60 shyrsha, 500 jalpaq japyraqty aǵash otyrǵyzyldy.
Aınash ESALI,
«Egemen Qazaqstan».
ALMATY.