Densaýlyq saqtaý mınıstriniń orynbasary Ajar Ǵınııat Túrkistan oblysyna jumys saparymen baryp, óńirdegi ahýalmen tanysty. Vıse-mınıstr oblys ákiminiń orynbasary Sáken Qalqamanovpen birge halyqqa kómek kórsetip jatqan birneshe medısınalyq nysandy aralap, dárigerlermen kezdesti.
Densaýlyq saqtaý mınıstriniń orynbasary aldymen Ordabasy aýdanyndaǵy ortalyq aýrýhanada boldy. Emdeý mekemesi jergilikti 120 myń turǵynǵa qyzmet kórsetedi. Aýdanda koronavırýs ınfeksııasyn juqtyrǵan 158 naýqas tirkelgen. О́kinishke qaraı, 2 adam qaıtys boldy. Qýanyshtysy, qazirgi tańda Ordabasy aýdanynda koronavırýs ınfeksııasymen aýyryp jatqan naýqas joq. Provızorlyq ortalyqtaǵy oryndar sany qyryqqa deıin azaıdy. Aýdanda ókpeni jasandy jeldetý apparatynan 9 jáne 70-ten astam ottegi konsentraty bar. Dári-dármek qory jetkilikti, eshqandaı tapshylyq joq. Aýdanda qurylǵan 17 mobıldi medısınalyq top 1 myńnan astam adamnyń úıine baryp qyzmet kórsetti.
Indet órshigen kúrdeli kezeńde avtomatty baılanys (CALL-ortalyq) júıesi iske qosyldy. Bir mezette birneshe qońyraý qabyldanyp, azamattardyń suraǵyna dereý jaýap berildi.
Ajar Ǵınııat budan soń Túrkistan oblystyq №3 perınataldy ortalyq pen Túrkistan qalalyq emhana qyzmetimen tanysty. Oblystyq perzenthana Túrkistan, Kentaý qalalary men Sozaq jáne Otyrar aýdandarynyń 450 myń halqyna qyzmet kórsetedi. Ortalyqta júkti áıelderge mamandandyrylǵan dárigerlerlik kómek pen dıagnostıkalyq qyzmet tolyq qamtamasyz etilgen.
Túrkistan oblysyndaǵy jalpy ahýalǵa toqtalar bolsaq, qazirgi tańda gospıtaldardaǵy jáne provızorlyq tósektik oryndar sany 2 esege deıin qysqardy.
«Sanıtarlyq nusqaýlardy áli de umytýǵa bolmaıdy. Bul vırýs eshqaıda ketken joq. Juqtyrýdy boldyrmas úshin barlyq qaýipsizdik sharalaryn qadaǵalaýymyz qajet. Aýrýshańdyqpen kúres tek medısına qyzmetkerleriniń ǵana emes, ár azamattyń jaýapkershiligi. Sol sebepti halyq arasynda túsindirme jumystaryn kóp júrgizý qajet. Bul tusta oblystyq ákimdik qyzmetkerleri tarapynan da qoldaý kórsetilýde. Jalpy, óńirdegi medısına uıymdarynyń indetpen kúreske joǵary daıyndyǵyn baıqaýǵa bolady. Máselen, Ordabasy aýdanynda qazir koronavırýs ınfeksııasymen aýyrǵan naýqas joq», dep atap ótti A.Ǵınııat.
2020 jyldyń 30 naýryzynan bastap 14 tamyzy aralyǵynda koronavırýstyq ınfeksııa rastalǵan 3105 naýqas tirkeldi. Saýyǵyp shyqqan adamdardyń sany 2711 nemese jalpy syrqattanǵandar sanynyń 87,3 paıyzy. Onyń ishinde sımptomsyz jaǵdaıdaǵy 1838 adam da jazyldy.
Túrkistan oblysy