Jambyl oblysyndaǵy áskerı bólimderdiń birinde qaıǵyly jaǵdaı tirkeldi. Áleýmettik jelilerde taraǵan málimetke sáıkes, 15 naýryz kúni qaraýyldyń úshinshi beketinde vedomstvolyq kúzet qyzmetkeri karabınnen abaısyzda oq atyp, qaraýyl bastyǵyn jaralaǵan, dep jazady Egemen.kz
Aldyn ala málimet boıynsha, eki azamat merzimdi áskerı qyzmetshi emes, vedomstvolyq kúzettiń azamattyq jaldamaly qyzmetkerleri bolǵan. Oq tıip aýyr jaralanǵan qaraýyl bastyǵy dereý áskerı gospıtalǵa jetkizilgenimen, dárigerler onyń ómirin saqtap qala almady.
Abaı oblysynda áskerı qyzmetshi qaza tapty
Oqıǵaǵa baılanysty Ishki ister mınıstrliginiń Áskerı-tergeý departamenti qylmystyq is boıynsha sotqa deıingi tergeý bastalǵanyn habarlady. Vedomstvo málimetinshe, qaıǵyly jaǵdaıdyń naqty sebepteri tergeý áreketteri men prosessýaldyq sharalar barysynda anyqtalady.
Aqtaýda merzimdi áskerı qyzmetshi qaza tapty
Eske sala keteıik, buǵan deıin Atyraý garnızonyndaǵy áskerı bólimderdiń birinde josparly dalalyq atys jattyǵýlary kezinde merzimdi qyzmettegi sarbaz qaıtys bolǵan edi.