Aýstralııada sońǵy bir táýlikte o dúnıelik bolǵan adamdardyń sany 25-ǵa jetkenin, osyǵan deıin mundaı sannyń bolmaǵanyn REGNUM habarlaıdy.
17 tamyz kúni Aýstralııa Densaýlyq saqtaý mınıstrliginiń baspasóz qyzmeti 24 saǵat ishinde elde jańadan aýrý juqtyrǵandardyń 289-ǵa artqanyn, al barlyǵy 23 576 aýstralııalyqtan vırýs tabylyp, pandemııa jarııalanǵaly 14 080 pasıenttiń jazylyp shyqqanyn aıtady. Sondaı-aq baspasóz qyzmeti aýrýhanalarda 680 adam emdelý ústinde, al olardyń ishinde 47 pasıenttiń qarqyndy em qabyldap dárigerlerdiń jiti baqylaýynda ekenin jetkizgen.
SARS-CoV-2-ni anyqtaý úshin 5,3 mln test tapsyrylyp, materıktegi jalpy kóz jumǵandardyń sany 421 adam bolǵan. Ásirese Vıktorııa shtaty turǵyndaryn indet sharpýy ózge aımaqtarǵa qaraǵanda joǵary eken. Jalpy tizimdegi aýyrǵandardyń 17 047-in osy vıktorııalyqtar quraǵan soń mundaǵy karantın 13 qyrkúıekke deıin sozylyp otyr.