Kanadadaǵy Manıtoba ýnıversıtetiniń ǵalymdary taza maqta-matadan tigilgen kıimder men tumshaǵa túsken SARS-CoV-2 vırýsy bir táýlikke jetpeı belsendiligin joıatynyn anyqtaǵany jaıly medRxiv-ke súıene otyryp RBK jazdy, dep habarlaıdy Egemen.kz.
Zertteýshiler túrli materıaldarda vırýstyń qalaı tirshilik etetinin saralaı kele eshqandaı qospasyz taza maqtadan alynǵan shúberek ataýlyda vırýstyń ómir súre almaıtynyna kózderin jetkizipti.
Ǵalymdar dárigerler kıetin nıtrılden jasalǵan qolǵaptardy, N-95 jáne N-100 bet tumshalaryn, sosyn óte jeńil ári berik Tyvek atty toqylmaǵan materıaldy, plastık jáne tat baspaıtyn bolatty 3 apta boıyna vırýsty ortada ustap synaǵan. Sonda maqtadan tigilgen buıymdarda vırýs táýlikke jetpeı quryp ketip otyrǵan kórinedi.
Illınoıs ýnıversıtetiniń ǵalymdary da (ázirge saraptaýshylardyń naqty qortyndysy shyqpaǵan) taza maqtadan toqylǵan jumsaq matanyń 3 qabaty vırýstan hırýrgııalyq arnaıy qorǵanysh kıimdi almastyra alady degen tujyrymǵa kelip otyr eken. Al Reseıdiń zertteýshisi Stanıslav Otstavnoveger maqtadan tigilgen kıimdi úıge ákelip ilip qoıyp, bir táýlikten soń esh qaýipsiz, kúmandanbastan kıip ketýge bolady deıdi.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.