Búgin Almatydaǵy №5 qalalyq emhananyń jalpy tájirıbelik dárigeri Laýra Maldybaeva qalanyń óńirlik kommýnıkasııalar qyzmeti alańynda ótken onlaın-brıfıngte karantın kezinde qala turǵyndarynyń medısınalyq qyzmetterdi qalaı alatyndyǵy týraly baıandady.
Qala turǵyndarynyń qaýipsizdigi jáne medısınalyq mekemeler aýmaǵynda koronavırýs ınfeksııasynyń taralýynyń aldyn alý maqsatynda, qalalyq emhanalarda onlaın-keńester uıymdastyryldy. Keńes alý barysynda pasıentter emdelýge taǵaıyndaýlar alyp, analız tapsyrýǵa jáne josparly túrde aýrýhanaǵa jatqyzýǵa joldama aldy.
"Onlaın keńes jaqsy nátıje berdi. Naýqastardyń shaǵymdaryn, jan-jaqty berilgen málimetterin tyńdaý arqyly antıbıotıkoterapııa qajet pe, joq pa, sony anyqtaýǵa bolady", - dedi Laýra Maldybaeva.
Onlaın keńes dárigerlerge naýqastardy qadaǵalaýǵa, ýaqtyly kómek kórsetýge múmkindik bergenin atap ótti.
Onlaın-keńester maýsym aıynan beri ótkizilip keledi. №5 qalalyq emhananyń 3 myńnan astam pasıenti, olardy qyzyqtyratyn máseleler boıynsha onlaın keńes aldy.
"Kúnine bir dáriger 30 onlaın-keńes beredi. Keńester túrli baǵyt boıynsha júrgiziledi. Kóbinese pnevmonııa, entigý, keýde aımaǵyndaǵy aýyrsyný, dene qyzýynyń joǵarylaýy máseleleri boıynsha keńes beriledi. Kóbine terapevtik baǵyt boıynsha keńester beriledi", - dedi Laýra Maldybaeva.