AQSh-ta Garvard ýnıversıteti men Aq úı arasyndaǵy daýly másele qaıta ýshyqty. Donald Tramp ýnıversıtetten 1 mıllıard dollar kóleminde ótemaqy talap etip otyr, dep jazady Egemen.kz.
Donald Tramptiń bul talaby New York Times gazetinde jarııalanǵan materıaldan keıin belgili boldy. Onda Tramp ákimshiligi Garvardtan buryn talap etilgen 200 mln dollardy tóleý jónindegi sharttan bas tartqan degen aqparat taraǵan edi.
Eske salaıyq, Aq úı basshysy Garvard ýnıversıtetin antısemıtızmge qarsy kúresti jetkilikti deńgeıde júrgizbedi dep aıyptaǵan. Osyǵan baılanysty ýnıversıtetke sheteldik stýdentterdi qabyldaýǵa tyıym salynǵan, sondaı-aq eki mıllıard dollardan astam memlekettik qarjylandyrý toqtatylǵan.
Keıinirek Garvard tarapy daýdy kelissóz arqyly retteýge daıyn ekenin bildirgenimen, taraptar ortaq mámilege kele almady. Qazirgi tańda ýnıversıtet basshylyǵy Tramptyń jańa talabyna qatysty resmı pikir bildirgen joq.
Bul jaǵdaı AQSh-taǵy joǵary bilim berý júıesi men federaldyq bılik arasyndaǵy qarym-qatynasqa qatysty pikirtalasty odan ári kúsheıtip otyr.