ATR tennısten 2020 jylǵy maýsymǵa arnalǵan jańartylǵan jarys kestesin jarııalady. Erler arasyndaǵy tennıs básekesi koronavırýs indetine baılanysty naýryz aıynan beri toqtap turǵan bolatyn.
Pandemııadan keıingi erler arasyndaǵy jarystyń alǵashqy básekesi 22 tamyzda bastaldy. Iаǵnı dástúrli Cincinnati Masters týrnıriniń ornyna Nıý-Iorktegi jarys uıymdastyrylady. Al US Open dodasy 31 tamyzda ótedi. Sondaı-aq 8 qyrkúıekte Kısbıýel, 14 qyrkúıekte Rım, 21 qyrkúıekte Gambýrg, 27 qyrkúıekte «Rolan Garros» týrnıri, 12 qazanda Sankt-Peterbýrg, 19 qazanda Kreml kýbogy men Antverpen jarysy, 26 qazanda Vena, 2 qarashada Parıj, 9 qarashada Sofııa týrnıri ótetin bolyp bekitildi. Al jyldyń qorytyndy týrnıri 15 qarashada Londonda ótedi dep josparlanǵan.