Almaty qalasynyń ákimi Baqytjan Saǵyntaev, ásirese pandemııa jaǵdaıynda kásipkerlik nysandardy qoldaýdyń qarjylaı jáne qarjylaı emes sharalaryna erekshe kóńil bóliný kerektigin nazarǵa alǵan edi, dep habarlaıdy Egemen.kz.
Almaty qalasynyń óńirlik kommýnıkasııalar qyzmeti uıymdastyrǵan baspasóz týry barysynda, "DorHan - Almaty" JShS basshysy Roman Radaev, bir jyl ishinde megapolıste kúnine 50 qaqpa 80-ge jýyq rolettik júıe shyǵarýǵa múmkindik beretin eki seh salynǵanyn habarlady. Kásiporyn kóshe qaqpalary, avtomatty esikter óndirisin ashyp, aýmaqty odan ári damytýdy, keńeıtýdi josparlap otyr. Jalpy kompanııa 160-qa jýyq ónim shyǵarady. "DorHan-Almaty" JShS - bul 42 jumys ornyn ashqan, 416,6 mln. tenge somasyna teń, jobalyq qýaty 12 125 birlikti quraıtyn metall óńdeıtin, jyljymaly qorshaý konstrýksııalar jasaıtyn, avtomatty qaqpalar men rollqaqpaqtardy óndiretin keshen qurylysy.
"Mundaı óndiris úshin Almatyda oryn tabý óte qymbat, — deıdi Roman Radaev. Buǵan deıin biz 2 myń sharshy metr alańda jumys jasadyq. Biz úshin bul óte az boldy. Al qazir syrtta saqtaıtyn oryndardy qosa eseptegende, shamamen 6 myń sharshy metr jerde jumys istep jatyrmyz. Keshenniń ornalasqan jeri, ınfraqurylymy yńǵaıly bolǵany tutynýshylar men dılerlerdiń tilekterin tolyq oryndaýǵa múmkindik beredi. О́nimdi tez, jyldam jetkizemiz. Jalpy ındýstrııalyq aımaq-bul Qazaqstandaǵy kásipkerlerge qurylys júrgizýge, damýǵa, ósýge jáne tutynýshylardy sapaly servıspen qamtamasyz etýge múmkindik beretin tamasha joba".
Aǵymdaǵy jyly ındýstrııalyq aımaq aýmaǵynda 1 131 jumys ornyn ashatyn, 29,9 mlrd.teńge somasyna teń 9 jobany (Hyundai Trans Kazakhstan, Kaz-Dıa-Test, g. S. g. Vysotnık, SK Rahat, Sıtı Stoýn, TEHNOKONT, Elektrobar, KazPromVent, SAVENERGY) iske qosý josparlanýda.
2021 jáne odan keıingi jyldary halyqty 5 450 jumys ornymen qamtamasyz etetin, 159,5 mlrd.teńge somasyna teń 36 jobany iske qosý josparlanýda. Indýstrııalyq aımaq aýmaǵynda Tehnovıd, KMK Investment, BRB APK, Doc Co., Ltd., ENKO, Bıjan MО́Z, Hyundai Trans Kazakhstan, DorHan-Almaty, "Astana Invest" korporasııasy, EKO STAR BOILER, Almaty jylý oqshaýlaý zaýyty sııaqty kompanııalardyń joǵary tehnologııalyq jobalary iske asyrylatyn bolady. 20-dan astam kásiporyn eksportqa baǵyttalǵan ónim shyǵaratyn bolady.