Belarýs úkimeti prezıdent saılaýynan keıin otstavkaǵa ketti. Bul týraly Belta agenttigi habarlady.
«Qujatqa sáıkes, el Konstıtýsııasynyń 106-baby, «Belarýs Respýblıkasynyń Mınıstrler Keńesi týraly» 2008 jylǵy 23 shildedegi №424-Z zańynyń 9-baby boıynsha Belarýs úkimeti prezıdent jańadan saılanǵan soń óz ókilettigin toqtatty», delingen agenttik taratqan aqparatta.
Sheshim qabyldanǵan kúnnen bastap óz kúshine enedi. Memleket basshysy Aleksandr Lýkashenko buǵan deıin úkimettiń odan ári qaraı jumys isteýi úshin qujattardy dereý daıyndaýdy tapsyrǵan bolatyn. Sol kezde prezıdent negizinen úkimet qaıta jasaqtalǵanyn atap ótti.
Sondaı-aq A.Lýkashenko Mınskidegi zaýyttardyń birine baryp jumysshylarmen kezdesti. Ol óndiris ornyn aralap jumys barysymen tanysyp, qyzmetkerlermen sóılesti. Prezıdent eldegi, zaýyttardaǵy narazylyq týraly pikirin bildirdi. Aleksandr Lýkashenko eldegi bılikti kóshe aksııalary arqyly emes, Konstıtýsııalyq prosess arqyly qaıta bólýge bolatynyn málimdedi. Prezıdent qazirgi jaǵdaıda ınternettegi keıbir aqparat kózderine súıenbeı, salmaqty sheshimder qabyldaýǵa shaqyrady.