«Almaty» TA-nyń tikeleı efıri kezinde qala ákimi Baqytjan Saǵyntaev karantındik sharalardy jeńildetýdiń barysy jáne ShOB kásiporyndary men nysandarynyń jumystaryn qaıta jandandyrý jóninde áńgimeledi, - dep habarlaıdy Egemen.kz.
ShOB sýbektileriniń jumystaryn qaıta jandandyrý infokazakhstan.kz portalynda tirkelgen soń kezeń-kezeńimen júzege asatyn bolady. Almaty qalasynyń memlekettik bas sanıtarlyq dárigeriniń qaýlysyna sáıkes muny 24 tamyzǵa deıin jasaý qajet. Sanıtarlyq-epıdemıologııalyq erejelermen tanysqan soń kásipkerler sanıtarlyq normalarǵa saı akt alatyn bolady. Munda kásipkerler nysannyń tolyq jumys jasaýy jónindegi talapty oryndaýlary tıis.
Jumystyń qaıta bastalǵany týraly habarlandyrýdy barlyq sýbektilerdiń 90%-y, ıaǵnı saýda jáne oıyn-saýyq ortalyqtary, saýda ortalyqtary (býtıkter), bólshek saýda jelileri jáne syıymdylyǵy 30% jáne jalpy kólemi 4 sharshy metrden aspaıtyn jabyq bazarlar, sulýlyq salondary, shashtarazdar, SPA ortalyqtary, jalpy kólemi 4 sharshy metr bolatyn sulýlyq salondary jáne taǵy basqalary berýleri tıis.
Al, vırýstyń taralý qaýpi joǵary qalǵan sýbektiler jumys komıssııasynyń tekserýinen ótetin bolady. Olar – saýda jáne oıyn-saýyq ortalyqtary, saýda ortalyqtary, saýda úıleri, saýda alańy 2000 sharshy metrden astam azyq-túlik emes dúkender, sonymen qatar qyzmetkerleri arasynda KVI aýrýynyń kórsetkishi joǵary nysandar.
19 tamyzdaǵy jaǵdaı boıynsha 17698 ótinish túsken, olardyń 14043 (79%) maquldandy. Onyń ústine kásipkerlerdiń basym bóligi (13807) jumystaryn shaqyrý tártibi boıynsha bastady. Qalǵandary (236) aýdandyq ákimdikter janyndaǵy monıtorıngtik toptar tekserý júrgizgen soń jumystaryn bastaıdy. Eger belgili bir sebepter boıynsha ruqsat etilmese, onda kemshilikterdi túzetip, jumysty qaıta bastaýǵa bolady.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.