Soltústik Qazaqstan oblysynyń polıseıleri men eriktileri búgingi kúni suranysqa ıe bolyp otyrǵan betperdelerge "Esirtkige jol joq" logotıpin japsyryp, stýdentterge, kóp balaly otbasylarǵa, halyqtyń áleýmettik álsiz toptarynyń ókilderine 2 myń danasyn tegin taratty. Oblystyq PD Esirtki qylmysyna qarsy is-qımyl basqarmasynyń qyzmetkerleri aksııany ótkizý úshin eriktilermen birlese otyryp, osyndaı betperdeler daıyndaǵan edi, dep jazady Egemen.kz
2018 jyldan beri qala ákimdiginiń jastar resýrstyq ortalyǵynyń múshesi bolyp kelgen Samat Baekın betperdege logotıp japsyryp taratýdy tabylǵan aqyl dep sanaıdy. "Betperde ınfeksııadan qorǵaný ǵana emes, sonymen birge salaýatty ómir saltyn ustanýǵa shaqyrady", deıdi ol. "Esirtki – bizdiń zamanymyzdyń basty qaýipteriniń biri. Sondyqtan biz qoǵamdy qorǵaý jáne kórkeıtý jumysynda júrgen tártip saqshylaryn qoldaýǵa tyrysamyz".
Betperdeler taratylǵannan keıin eriktiler polıseılermen birlesip, "Cheremýshkı" aýdanynda reıd ótkizip, úıler men garajdardyń qabyrǵalarynda esirtki saýdasymen aınalysatyndardyń veb-resýrstaryn jarnamalaıtyn 60-tan astam graffıtıin joıdy.
"7 aıdyń ishinde polıseıler men oblystyń qamqor turǵyndarynyń birlesken kúshi 257 esirtki graffıtıin joıdy. Jyl basynda esirtkini jarnamalaýshylarǵa qylmystyq jaýapkershilik arttyrylǵannan beri olardyń sany kúrt tómendedi, endi olar 6 jylǵa deıin bas bostandyǵynan aıyrylýy múmkin. Osyǵan qaramastan problema sheshiler emes, biz óz áreketimizben qoǵamnyń nazaryn aýdaryp, esirtki sııaqty apat otbasylarǵa kútpegen jerden kelýi múmkin ekendigin eske salǵymyz keldi", deıdi Soltústik Qazaqstan oblysy PD bastyǵynyń orynbasary, polısııa polkovnıgi Rýslan Nazarov.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.