155 shaqyrymdyq jaıaý soqpaq salynady

Alataý baýraıyndaǵy ásem Almaty taǵy da bir tamasha demalys ornymen tolyǵady. Ekotýrızmdi turaqty damytý jumystarynyń barysyn teksergen mamandar kórkine kóz toımaıtyn tumsa tabıǵatty demalys úshin tıimdi paıdalanýmen qatar qorshaǵan ortaǵa zalal tıgizbeý jaıyn basa nazarǵa alýymyz kerek dep esepteıdi. Ulttyq saıabaq janyndaǵy qoǵamdyq keńeske quramynda – týrıstik uıymdar ókilderi, ǵalymdar, sportshylar, kásipkerler, ekobelsendiler, qoǵam qaıratkerleri bar 19 adam engen.

Ulttyq saıabaq janyndaǵy qoǵam­dyq keńes ortalyqtyń qurastyrylý saty­larymen tanysty. «Týranga grýpp» komandasy taıaý arada «Tamyr» ta­bıǵat aıasynda bolý mektebimen birge eki jańa soqpaqty qalyptastyrýdy josparlap otyr. «Jas kaıyń» dep atalǵan birinshi soqpaqta ata-analar balalarymen birge, sondaı-aq egde adamdar júre alady. Ekinshi soqpaq qımyl-qozǵalysy shektelgen jandar úshin arnaıy qurylmaq. Keleshekte júris múmkindigi arttyrylǵan múgedek arbalar alý da oılastyrylypty.

Almaty ekologııa departamentiniń basshysy Qonysbek Baıdınov: «Eko­týrızmdi damytý jobasy óte qajet. Ásirese óskeleń urpaq úshin kerek. Bala­lar­dy ekologııalyq mádenıetke jas­­taıynan baýlý, qorshaǵan ortanyń qun­dy­lyǵyn uqtyrý asa mańyzdy», deıdi.

Jobanyń basty artyqshylyq­tarynyń biri taýdaǵy «jabaıy» mıgrasııany ózgertý talpynysy eke­nin atap ótken jón. Ulttyq saıabaq janyn­daǵy qoǵamdyq keńes múshesi Rasýl Rys­mambetov osyǵan qatysty qoldaý pikirin bildirdi.

– Men qoǵamdyq keńeske atalǵan júıeniń tıimdiligi qyzyqtyrǵasyn, bul joba keleshekte qandaı somaǵa júzege asyp, qandaı tabys ákelerin bilgim kelgendikten kirdim. Sebebi Qazaqstanda bir emes, on úsh ulttyq saıabaq bar. Son­dyqtan ekobıznestiń jeke joba úlgisinde damýyn baqylaý qyzyqty bolmaq. Onyń ústine taýǵa jıi keletin Al­maty qalasynyń turǵyny retinde bul joba qandaı ózgeris ákeletinin kór­gim keledi, – deıdi ol.

Joba aıasynda 155 shaqyrym jaıaý soqpaq salý men abattandyrý kózdelip otyr. Sondaı-aq kelýshilerge ulttyq saıabaq týraly aqparat beretin 7 vızıt ortalyq ornatý qarastyrylǵan. Keleshekte etnoaýyl, kempıng, shatyr lager, 10-15 oryndyq glempıng (taý baspanasy) jáne bir karavanıng (av­toúımen saıahat jasaıtyndarǵa ar­nap jabdyqtalǵan turaq ) paıda bolmaq.

ALMATY