Elimizdiń azamattary úshin Qyrǵyz respýblıkasy óz shekarasyn ashty, dep habarlaıdy Egemen.kz
Qyrǵyzstannyń respýblıkalyq shtaby elge kire alatyn memleketterdiń tizimin jarııalady. Ol qatarda koronavırýstyq ınfeksııa jaǵdaılarynyń tómendeýi jáne epıdemııalyq ahýaldyń turaqtanýy baıqalatyn memleketter ǵana kirdi.
Tizimge kelesi elder kirdi: Reseı, Grýzııa, Ázirbaıjan, Armenııa, Belarýs, Qazaqstan, Túrikmenstan, Belgııa, Avstrııa, Ulybrıtanııa, Germanııa, Irlandııa, Islandııa, Italııa, Latvııa, Lıtva, Lıhtenshteın, Lıýksembýrg, Portýgalııa, Túrkııa, Shveısarııa, Shvesııa, Katar, BAÁ, QHR, Malaızııa, Ońtústik Koreıa, Pákistan, Slovenııa, Kýveıt, Japonııa.
Aıta keteıik, jyl saıyn Qyrǵyzstanǵa 8 mıllıonǵa jýyq sheteldik azamattar keledi, olardyń 2 mıllıonǵa jýyǵy týrıster retinde demalyp ketedi. Qyrǵyzstannyń memlekettik shekara qyzmetiniń málimetinshe, Dúnıejúzilik týrıstik uıymnyń jiktemesine jatatyn alys jáne jaqyn shetelderden kelgen azamattardyń jalpy sany 2020 jyldyń birinshi jartyjyldyǵynda 61,7%-ǵa nemese 2 mln 202,8 myń adamǵa azaıyp, 1 mln 368,3 myń adamdy quraǵan. Sonyń ishinde Qyrǵyzstanǵa týrıster retinde 2,4 myń, qyzmettik saparmen 5,3 myń, jeke saparmen 1 mln 360,7 myń adam kelgen.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.