Almaty qalasynyń bas memlekettik sanıtarlyq dárigeriniń 2020 jylǵy 15 tamyzdaǵy №56 qaýlysyna sáıkes, Naýryzbaı aýdanynda aldaǵy demalys kúnderi saýda úıleriniń, sán salondarynyń, shashtarazdardyń, qoǵamdyq monshalardyń, saýnalardyń jáne fıtnes ortalyqtardyń jumysy toqtatylady. Qoǵamdyq kólikter de óz jumysyn toqtatpaq, dep habarlaıdf Egemen.kz.
Naýryzbaı aýdany aýmaǵynda 2 saýda úıi (Eıkos, Glomart), 6 fıtnes ortalyq (Hardway, Taufit jáne t.b.),4 basseın (Gold Coast, Y-Fit jáne t.b.), 36 monsha men saýna, 43 sán salony men shashtarazdar ornalasqan.22-23 tamyz kúnderi joǵaryda atalǵan nysandar jumys istemeıdi. Qyzmetin toqtatqan barlyq nysandarda sanıtarlyq-profılaktıkalyq jáne epıdemııaǵa qarsy sanıtarlyq sharalar júrgiziledi.
Naýryzbaı aýdanynyń polısııa qyzmetkerlerimen halyq kóp jınalatyn oryndarda engizilgen shekteýlerdiń saqtalýy boıynsha patrýldeý kúsheıtiledi.
Aýdan bıligi turǵyndardy jaǵdaıǵa túsinistikpen qarap, ásirese qoǵamdyq oryndarda saqtyq sharalaryn, sanıtarlyq talaptardy saqtaýǵa shaqyrdy.