Eýroodaqtyń COVID-19-ben kúreske Venesýelaǵa medısınalyq kómek jibergeni týraly eldiń Syrtqy ister mınıstri Horhe Arreasa Twitterde jarııalady, dep habarlaıdy Egemen.kz.
EO elderine, atap aıtqanda osy joly janashyrlyq tanytqan Ispanııa men Portýgalııaǵa alǵysyn aıtqan mınıstr pandemııa bastalǵaly dostyq kóńilden járdem usynǵan elder men halyqaralyq uıymdar arqasynda 1,5 myń tonna gýmanıtarlyq kómek jetkizilgeninen habardar etken.
Indettiń qazirgi ýaqytta muhıttyń arǵy betinde órship turǵany aıan. Ásirese AQSh pen Brazılııa jurtshylyǵy álem boıynsha koronavırýstyń kórsheńgelinen kóp zardap shekken elderdiń qatarynda.