Osydan birneshe jyl buryn memlekettik qyzmet kórsetý salasyna jańalyq bolyp engen Open space jobasy Jetisýda óz jalǵasyn taýyp otyr. Alǵash ret Qaratal aýdanyndaǵy Úshtóbe qalasynyń ákimdigi osy "Ashyq ákimdik" formatyna kóship, qyzmet kórsete bastaǵan edi. Qazir mundaı servıstik ákimdikter oblystyń jeti aýdanynda jumys istep tur, - dep habarlaıdy Egemen.kz.
Jalpy, qyzmet kórsetýdi bir ortalyqtan ári ashyq formatta júrgizýdiń ozyq úlgisi retinde qabyldanǵan servıstik ákimdik ashylǵan aýdandardaǵy jumys ilgeri basqany baıqalypty. Iаǵnı, Open space jobasy memlekettik qyzmet salasyn sıfrlandyrý men avtomattandyrýǵa da yqpal etip otyr eken. Búginde oblys boıynsha turǵyndarǵa 170 túrli memlekettik qyzmet kórsetilse, 82,9 paıyzy avtomattandyrylǵan. Endi jyl sońyna deıin bul jumysty 90 paıyzǵa jetkizý mindeti tur. О́ńirlik geoaqparattyq júıe aıasynda Almaty oblysynda jer qatynastary men sáýlet salalaryndaǵy 21 memlekettik qyzmetti avtomattandyrý jumystary aıaqtalýǵa jaqyn. Sol sııaqty bilim men sport salalaryndaǵy taǵy 12 qyzmet túri de avtomattandyrylýda. Turǵyn úı-kommýnaldyq salaǵa, qoǵamdyq kólik qatynasyna sıfrlyq jańalyqtar engizý maqsatynda birqatar jobalar qolǵa alynýda.
Ásirese, karantın karantın kezeńinde qyzmet túrlerin sıfrlandyrýǵa degen qajettiliktiń kúrt óskeni baıqalady. Al memlekettik qyzmet kórsetýdi avtomattandyrý deńgeıiniń ósýi birneshe máseelni sheshpekshi. Máselen, bul úrdis turǵyndardyń memlekettik qyzmet alýdaǵy ýaqytyn únemdeýge áser etse, ekinshiden qyzmet kórsetýdiń ashyqtyǵyna, qoljetimdiligine jáne jemqorlyq faktileriniń aldyn alýǵa da oń yqpalyn tıgizbek. Munyń ıgi áserin servıstik ákimdikter jumys istep turǵan Aqsý, Balqash, Qarasaı, Qaratal, Kóksý, Raıymbek aýdandary men Taldyqorǵan qalasynan baıqaýǵa bolady. Bul aýdandarda qajetti mekeme ókilderin bir jerge shoǵyrlandyrý arqyly qyzmet alýdy jeńildetýge múmkindik jasalǵan. Barlyq memlekettik organnyń ókilderi Open space ádisimen ashyq kabınalarda otyryp, qabyldaý jasaıdy. Jaqynda osyndaı ortalyq Ile aýdanynda da ashyldy. Al jyl sońyna deıin barlyq aýdan ortalyqtarynda servıstik ákimdik jumysy iske qosylatyn bolady.
Jalpy, servıstik ákimdikterdiń jumysy jandansa, memlekettik qyzmet salasyndaǵy jeńushynan jalǵasý táýekeliniń tómendeıtini baıqalǵan. Buǵan mamandar memlekettik qyzmetshiler arasyndaǵy jemqorlyq faktilerin zerdeleý barysynda kóz jetkizgen eken. Iаǵnı, sybaılas jemqorlyqtyń aldyn alýǵa Open space jobasy óz áserin tıgizedi degen senim bar.
"Qazir Almaty oblysynyń aýmaǵynda 7 servıstik ákimdik bar. Alaıda bul respýblıka boıynsha tómengi kórsetkish. Sondyqtan osyndaı ákimdikterdiń barlyq aýdan-qalalarda ashylýyna múddelimiz.Bul qyzmetshiler arasyndaǵy jemqorlyq táýekelin boldyrmaýǵa jol ashady. Onyń ústine, mekemelerge kirý shektelgen qazirgideı kezeńde ár jerge júrigip júrmeı, memlekettik qyzmetterdi bir jerden alatyn osyndaı servıstik ákimdikter halyqqa asa qajet", - deıdi Sybaılas jemqorlyqqa qarsy qyzmettiń Almaty oblysy boıynsha departamentiniń basshysy Ernar Maqajanov.
Aıtpaqshy, jyl basynan beri Sybaılas jemqorlyqqa qarsy qyzmet 137 quqyq buzýshylyqty anyqtaǵan. Tirkelgen qylmystyń 75,2 paıyzy ıaǵnı, 103 zań buzýshylyq sybaılas jemqorlyq sıpatyndaǵy qylmysqa jatady. Al osy merzim ishinde sybaılas jemqorlyq áreketterine barǵany úshin 87 memlekettik qyzmetshi qylmystyq jaýapqa tartylǵan. О́kinishke qaraı, olardyń qatarynda jergilikti atqarýshy organ qyzmetkerleriniń úlesi kóp bolyp otyr.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.