Mańǵystaý oblysy boıynsha Qylmystyq-atqarý júıesi departamenti baspasóz qyzmeti atap ótkendeı, atalǵan departament osy jyldyń naýryz aıynan bastap Mańǵystaý oblysy Polısııa departamenti esirtki bıznesine qarsy kúres basqarmasymen birlese jedel sharalaryn ótkizgen edi.
Qylmystyq-atqarý júıesi basqarmasyndaǵy qylmyspen kúresýshiler jazalaýdy oryndaý tártibin buzýshylardy anyqtaý jáne olardy tirkeý boıynsha naqty is-qımyl algorıtmin jasaqtady.
Anyqtalǵandaı, olar aımaqtaǵy qylmys álemindegi baılanysyn paıdalana otyryp, kolonııaǵa uıaly telefondar men esirtki jetkizýdi uıymdastyrýǵa tyrysqan.
"Osy áreketterdi júzege asyrý barysynda sottalýshylar barlyq is-qımyldaryn aldyn ala jan-jaqty oılastyrǵan. Iаǵnı, kolonııanyń perımetri, kolonııaǵa kóliktiń kelýine múmkindik bermeıtin, biraq qylmys jasaýshyǵa oqıǵa ornynan tez qashyp úlgerýine múmkindik beretin eni 2,5 metrlik qazylǵan shuńqyrlardy óz maqsattaryna jaqsy paıdalana alǵan, sondaı-aq azamattyq tulǵalardyń mindetterin anyqtap, olardyń álsiz jerlerde atqaratyn is-qımyldaryn rettep otyrǵan. Qyzmetkerlerdiń joǵary kásibı biliktiliginiń arqasynda biz bostandyqta júrgen "jetkizýshilerdi", sondaı-aq esirtki men uıaly telefondardyń tasymaldaný jáne taralý derekterin anyqtadyq", deıdi Mańǵystaý oblysy boıynsha QAJD bastyǵynyń orynbasary Rýslan Orazbaev.
Shara nátıjesinde sottalýshylarǵa qatysty moıyndaý kórsetkishterin bergen Mańǵystaý oblysynyń eki azamaty ustaldy. Aqtaý qalalyq soty jatyn oryndary men jeke buıymdaryn tintý arqyly úsh sottalýshyny ustaýǵa sanksııa berdi. Qazirgi ýaqytta kúdiktiler Aqtaý qalasyndaǵy ýaqytsha ustaý ızolııatoryna jetkizilip, tergeý amaldary júrgizilýde.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.