SQO-da jýyrda adam ólimine soqtyrǵan jol-kólik oqıǵasy boldy, - dep habarlaıdy Egemen.kz.
«Jezqazǵan-Petropavl» jolynyń 845 shaqyrymynda ornalasqan Esil aýdanynyń Qaratal aýyly mańynda «Nissan Largo» kóliginiń júrgizýshisi, 21 jastaǵy Petropavl qalasynyń turǵyny rólge ıe bola almaı, joldan shyǵyp ketip aýdarylǵan. Kólikte onyń jubaıy jáne úsh jasar qyzy bolǵan. Alǵan jaraqattan sábı qaıtys boldy.
Osy oqıǵa sotqa deıingi tergep-tekserýdiń biryńǵaı tizilimine engizilip, Qylmystyq kodekstiń «Kólik quraldaryn basqaratyn adamdardyń jol júrisi nemese kólik quraldaryn paıdalaný qaǵıdalaryn buzýy» baby boıynsha is qozǵaldy. Avtokólik arnaıy turaqqa qoıyldy. «Apattyń barlyq mán-jaıy muqııat tergeletin bolady. Júrgizýshiler jolaýshylardy, ásirese jas balalardy tasymaldaǵan kezde asa saq bolyp, qajetti sharalardy oryndaýǵa mindetti. Jyldamdyq rejimin saqtap, rólge otyrǵan kezde asa qyraǵy bolý kerek»,- dep atap ótti PD bastyǵynyń birinshi orynbasary, polısııa polkovnıgi Qanat Aıtbaev.