Qazir elimizde epıdemııalyq ahýal turaqtalyp, COVID-19 indetiniń taralý aýqymy aıtarlyqtaı azaıdy, aýyrǵandardyń birazy jazyldy. Alaıda indetten aıyqqan balalardan qabyný sındromynyń baıqala bastaǵany kópshilikti alańdatyp qoıdy. Osy jóninde Ortalyq kommýnıkasııalar qyzmeti alańynda jan-jaqty maǵlumat berildi.
Densaýlyq saqtaý mınıstrliginiń resmı ókili Baǵdat Qojahmetov sońǵy úsh aptada elimizde koronavırýs ınfeksııasy men pnevmonııa aýrýy boıynsha jaǵdaıdyń turaqtanǵanyn atap ótti. Onyń aıtýynsha, 3-9 tamyz aralyǵynda 7108 adam koronavırýs ınfeksııasyn juqtyryp, 222 adam qaıtys bolǵan. 7940 azamat pnevmonııamen aýyryp, sonyń saldarynan 122 adam kóz jumǵan. Al 10-16 tamyz aralyǵynda KVI PTR (+) dıagnozy 3995 adamda, KVI PTR (-) 5344 adamda anyqtaldy. Bul jerde indet anyqtalǵandardan 151 adam jáne pnevmonııadan 64 adam qaıtys boldy. Sońǵy aptada – 17-23 tamyz aralyǵynda 1685 adamda COVID-19, 4138 naýqasta pnevmonııa rastaldy. KVI-dan 108, pnevmonııadan 40 adam baqılyq boldy.
Brıfıngke beınebaılanys arqyly qosylǵan elimizdiń bas pedıatry, Pedıatrııa jáne balalar hırýrgııasy ǵylymı ortalyǵynyń basqarma tóraǵasy Rıza Boranbaeva mýltıjúıelik qabyný sındromy – Kavasakı sındromy týraly baıandady.
«Balalar men jasóspirimderde kezdesetin mýltıjúıelik qabyný sındromy – ýaqytsha COVID-19 indetimen qabattasqan, aýrýdan jazylǵannan keıin bolatyn ımmýnologııalyq qubylys. Iаǵnı COVID-19-ǵa shaldyqqan balalarda 3-5 apta ótken soń damıtyn ınfeksııadan keıingi sındrom. Mýltıjúıelik qabyný sındromynyń taǵy bir ataýy – Kavasakıge uqsas sındrom. О́ıtkeni munyń klınıkalyq belgileri Kavasakı aýrýyna uqsaıdy, biraq belgili bir aıyrmashylyqtary bar. Kavasakı aýrýy balalarda erte damıdy, al mýltıjúıelik qabyný sındromy 21 jasqa deıingi jasóspirimder men jastarda da tirkeledi. Kavasakı aýrýy búkil álemde óte sırek kezdesedi, Qazaqstanda jyl saıyn 2-5 jaǵdaı anyqtalady», dedi R.Boranbaeva.
Bas pedıatrdyń aıtýynsha, bul dertke COVID-19 juqtyrǵan balalardyń barlyǵy shaldyqpaıdy. Tek keıbir balalarda Kavasakı aýrýyna uqsas klınıkalyq belgiler baıqalady, ol aýyr ótýi múmkin. Sondyqtan erte dıagnoz qoıyp, terapııany ýaqtyly bastaý óte mańyzdy. 23 tamyzdaǵy jaǵdaı boıynsha respýblıkamyzda 16 balaǵa mýltıjúıelik qabyný sındromy dıagnozy qoıyldy. Onyń ishinde 8 bala jaqsy nátıjemen emdelip shyqsa, qalǵandary kópbeıindi balalar aýrýhanasynda emdelýde.
Densaýlyq saqtaý mınıstrligi COVID-19-ben aýyrǵan balalarda mýltıjúıelik qabyný sındromynyń belgileri bolsa, bala mindetti túrde kópbeıindi balalar aýrýhanasyna jatqyzylýy kerek ekenin eskertedi. Kavasakıge uqsas sındromy bar naýqastardy ınfeksıonıst, revmatolog, kardıolog, gematolog, reanımatolog sııaqty pedıatrııalyq mamandar toby dıagnostıkalap, emdeıdi.
Kavasakı sındromynyń negizgi klınıkalyq belgileri mynadaı:
– temperatýra 24 saǵat ishinde 38,5 gradýstan joǵary bolady;
– asqazan-ishek joldarynyń zaqymdanýy – ish aýyrady, qusý, júrek aıný, dıareıa;
– tynys alý júıesiniń 50%-y zaqymdanýy múmkin. Iаǵnı jótel, pnevmonııanyń aýyr túrine baılanysty entigý;
– denege túrli dárejede bórtpeler shyǵady;
– konıýnktıvıt, lımfa túıinderiniń ulǵaıýy, alaqan, aıaq isinýi múmkin;
– keýdeniń artqy jaǵynda júrek tusy aýyrady, kardıovaskýlıarlyq belgiler bolady;
– Til, erin qyzaryp, alqyzyl bolady.