"Rýhanı jańǵyrý" baǵdarlamasyn iske asyrý máseleleri boıynsha Aqparat jáne qoǵamdyq damý vıse-mınıstri Bolat Tlepovtyń tóraǵalyǵymen ótken onlaın formattaǵy jumys keńesi "Halyq únine qulaq asatyn memleket" tujyrymdamasyn basshylyqqa aldy, dep habarlady Egemen.kz
Keńeske ákimdikterdiń, Baǵdarlamanyń óńirlik jobalyq keńseleriniń jáne "Rýhanı jańǵyrý" qazaqstandyq qoǵamdyq damý ınstıtýtynyń ókilderi qatysty.
Is-shara barysynda "Rýhanı jańǵyrý" baǵdarlamasynyń is-sharalaryn onlaın formatta ótkizý, óńirlik jobalyq keńseler jáne Qazaqstandyq qoǵamdyq damý ınstıtýtynyń qyzmeti máseleleri talqylandy.
Búgingi tańda Baǵdarlamanyń negizgi is-sharalary men jobalary 2020 jylǵa arnalǵan "Rýhanı jańǵyrý" baǵdarlamasyn iske asyrý jónindegi is-sharalar jospary sheńberinde júzege asyrylýda.
Eldegi epıdemıologııalyq jaǵdaıǵa baılanysty qazirgi ýaqytta is-sharalar onlaın formatta ótkizilýde.
Aǵymdaǵy jyldyń ekinshi jartyjyldyǵynda birneshe baǵyt boıynsha jumystar nazarǵa alynady: "Rýhanı jańǵyrý" baǵdarlamasynyń negizgi maqsatty aýdıtorııasy – jastar arasynda joǵary talǵamdy qalyptastyrý (minez-qulyqta, mádenıette, mýzykada, kınoda jáne t.b.). El Prezıdenti naqty belgilegen baǵyt – halyq arasynda, sonyń ishinde jastar arasynda ekologııalyq tárbıeni qolǵa alyp, tıisti mádenıetti qalyptastyrý men jastar arasynda kitap oqý mádenıetine baılanysty baǵytta naqty is-sharalardy júzege asyrý, ıaǵnı, jastardy kitap oqýǵa baýlý qajet.
Talqylaý qorytyndysy boıynsha birqatar tapsyrmalar berildi.