Almaty ákimi Baqytjan Saǵyntaev qalaǵa qosylǵan yqshamaýdandar turǵyndaryn sýmen qamtý jáne sýdan bólýdiń ortalyqtanǵan júıesine qosýdy qamtamasyz etý jónindegi jumystar týraly habarlady, dep habarlaıdy Egemen.kz.
Búgingi kúni Alataý aýdanyndaǵy "Samǵaý" men "Aqbulaq" yqsham aýdanynda, Medeý aýdanyna qarasty "Dýmanda", sondaı-aq Almaly aýdanyndaǵy Arenskıı kóshesinde (25-30 úı) sýmen jabdyqtaý jáne sý burýdyń ınjenerlik jelilerin júrgizý boıynsha jumystar aıaqtaldy. Qazir jelide sýdy iske qosý prosesi júrip jatyr (syǵymdaý, kesý). Tutynýshylar "Almaty sý" mekemesimen shart jasasyp, jelilerge qosylýy qajet.
Jyl sońyna deıin Alataý aýdanyndaǵy "Shapaǵat", "Alǵabas", "О́jet" yqsh.-da, Bostandyq aýdanyna tıesili "Kókshoqy", Medeý aýdany boıynsha «Kólsaı», Túrksibke qarasty "Qaırat" jáne Jetisý aýdanyndaǵy "Kemel" yqsh.-ny men Qazybaev kóshesinde (1 myń úı) sýmen jabdyqtaý jáne sý burý boıynsha ınjenerlik jelilerdiń qurylysyn aıaqtaý josparlanýda. Bulardan ózge, jyl sońyna deıin Alataý aýdanyndaǵy Tomırıs, Shańyraq-2, Uljan-1 yqshamaýdandarynda kárizdik sorǵy stansalaryn (KSS) salýdy aıaqtaý josparlanǵan.
Osylaısha, Almaty turǵyndaryn sýmen qamtýdyń ortalyqtanǵan júıesine qosý 98%-dy nemese shamamen 1 878 500 adamdy quraıtyn bolady.