«Ustaz degen sóz qanshalyqty qysqa bolǵanymen arqalaǵan júgi óte aýyr. Urpaqty tárbıeleý men bilim berýde ustazdardyń eńbegi zor. Sondyqtan da mártebeli mamandyq ıeleriniń qyzmetin ólsheýsiz der edim. Bolashaqqa jol silteıtin muǵalimniń eńbegin laıyqty baǵalaý – óte mańyzdy mindet»,-dedi qala ákimi.
Bul kúni saltanatty jaǵdaıda QR Bilim jáne ǵylym mınıstrliginiń «Eńbek ardageri» medalimen - №52 mektep-lıseıiniń matematıka pániniń muǵalimi, ardager Samsabek Bolatbekov marapattaldy. Al, «Qazaqstan Respýblıkasy bilim berý isiniń qurmetti qyzmetkeri» tósbelgisimen №38 mektep-gımnazııasynyń matematıka páni muǵalimi A.Abdalıeva, №47 T.Tájibaev atyndaǵy mektep-gımnazııasynyń bastaýysh synyp muǵalimi G.Aınabek, №1 lıseı-ınternatynyń geografııa páni muǵalimi G.Arystanova, №2 mektep-ınternaty dırektorynyń oqý-isi jónindegi orynbasary N.Qarymbaeva, №54 mektebiniń dırektory Ý.Mameshova «Jol-kólik» kolledjiniń arnaıy pán oqytýshysy F.Týrgýmbaevalar aldy.
Budan bólek, №90 daryndy balalarǵa arnalǵan mamandandyrylǵan mektep-gımnazııasynyń tarıh pániniń muǵalimi K.Esenbekova, № 46 mektep-lıseıi dırektorynyń oqý-ádistemelik isi jónindegi orynbasary B.Jýmanova, №7 IT-mektep-lıseıiniń matematıka pániniń muǵalimi Z.Sarsenova, №8 mamandandyrylǵan gımnazııasynyń dırektory A.Sahova, №1 mamandyrylǵan IT lıseı-ınternatynyń geografııa pániniń muǵalimi L.Shılmırzaeva men Polıtehnıkalyq kolledjiniń oqytýshysy M.Arynbaev Qazaqstan Respýblıkasy Bilim jáne ǵylym mınıstrliginiń «Ybyraı Altynsarın»tósbelgisimen nagrattaldy.