Indýstrııa jáne ınfraqurylymdyq damý mınıstrligi "Atameken" Ulttyq Kásipkerler palatasymen birlesip, qala qurylysy kodeksi jobasynyń tujyrymdamasyn ázirleýdiń oryndylyǵyn anyqtaýǵa baǵyttalǵan sáýlet, qala qurylysy jáne qurylys salasynda zertteýler júrgizdi, dep habarlaıdy Egemen.kz mınıstrliktiń baspasóz qyzmetine silteme jasap.
Zertteý nátıjeleri boıynsha qala qurylysy kodeksi jobasynyń tujyrymdamasyn ázirleýdiń oryndylyǵy týraly usynystar berildi
Bul rette, qala qurylysy kodeksin ázirleý sheńberinde memlekettik organdardyń fýnksııalary túbegeıli qaıta qaralýǵa, zańnamanyń turaqtylyǵy men sala sýbektileri tarapynan oǵan degen senim arttyrylýǵa tıis.
Sondyqtan bul másele mamandandyrylǵan ǵylymı-zertteý ınstıtýttarynyń mamandaryn tarta otyryp, neǵurlym muqııat zerdeleýdi, sondaı-aq bıýdjet qarajatynyń jumsalýyna qarjylyq taldaý júrgizýdi talap etedi.
Esterińizge sala keteıik, sáýlet, qala qurylysy jáne qurylys salasyndaǵy zańnamany jetildirý jáne memlekettik retteýdiń qoldanystaǵy tetikteri men ádisteriniń qaıshylyqtaryn, kemshilikterin joıý qajettiligi maqsatynda 2016 jylǵy 21 qyrkúıektegi Qazaqstan Respýblıkasy Prezıdentiniń janyndaǵy Sybaılas jemqorlyqqa qarsy is-qımyl máseleleri jónindegi komıssııanyń otyrysynda memlekettik organdarǵa "Atameken" QR UKP-men birlesip qala qurylysy kodeksin ázirleýdiń oryndylyǵy týraly máseleni pysyqtaý tapsyryldy.