Balqashta jylý jelilerin salý tolyq júrip jatyr. Qubyrlar JEO-nan "Qońyrat" shaǵyn aýdanyna deıin sozylady. Jylý magıstraliniń uzyndyǵy - 17 km. Búginde jumys 30%-ǵa oryndaldy, - dep habarlaıdy Egemen.kz Qaraǵandy oblysy ákiminiń baspasóz qyzmetine silteme jasap.
Qaraǵandy oblysynyń ákimi Jeńis Qasymbek Balqashqa jumys sapary barysynda jylý jelileri men birqatar basqa nysandardyń qurylysy qalaı júrip jatqanyn tekserdi. Bul jobalardy "Jumyspen qamtý jol kartasy" baǵdarlamasy arqasynda júzege asyrý múmkindigi paıda boldy.
"Bıyl jylý magıstralin osy jyl sońyna deıin salý sheshimi qabyldandy. Qala jańa qurylys jumys kólemin aldy. Bul JQJK iske asyrýdyń aıqyn mysaldarynyń biri. Bul baǵdarlama boıynsha 123 jumys orny quryldy. Jartysy- Jumyspen qamtý ortalyǵy arqyly. Aqshamen problema joq, bizge sapa kerek", - dep Jeńis Qasymbek merdigerden talap etti.
Jospar boıynsha jańa jylý jelisin osy jyldyń sońyna deıin salyp bitirýi tıis. Úılerge qosý boıynsha jumystar kelesi jyly bastalady. Qazir "Qońyrattaǵy" qoldanystaǵy ortalyq qazandyq 100 paıyzǵa daıyn deýge bolady. Barlyq qajetti jóndeý jumystary ótkizildi.
Jylý jelilerinen basqa qalada jeke ınvestısııamen qaraýsyz qalǵan jataqhanalar qalpyna keltirilýde. Ǵımarat 90-jyldardan beri bos tur.
Jýyr ýaqytta munda baspana alýǵa kezekte turǵan 30 kóp balaly otbasylar turatyn bolady. Olar úshin arnaıy qaıta josparlaý jasaldy.
Qalada ortalyq saıabaqta qalpyna keltirilýde. Ol uzaq ýaqyt azyp-tozyp turdy. Jýyr ýaqytta turǵyndardyń qydyrýǵa jáne demalýǵa arnalǵan jańa oryn paıda bolady. Abattandyrý men kógaldandyrýdan basqa onda basketbol, fýtbol jáne vorkaýt alańdary ornatylady. Saıabaq shaǵyn sáýlet piishinderimen bezendiriledi.
Oblys ákimi "Shańyraq" áıelderge arnalǵan daǵdarys ortalyǵyn da aralady. Ony "Rýhanı jańǵyrý" baǵdarlamasynyń sheńberinde "Koýnrad" korporatıvtik qory ashqan. Onda turmystyq kúsh kórsetýden zardap shekken áıelder ornalastyrylady. Munda tek qıyn ómirlik jaǵdaılar gana emes, sonymen birge zańgerlerdiń, psıhologtardyń, medısına jáne áleýmettik qyzmetkerlerdiń kómegin alýǵa bolady.
"Ortalyq mıssııasy – qıyn ómirlik jaǵdaıǵa dýshar bolǵan áıelderdiń, kóp balaly jáne az qamtylǵan otbasylardyń ómir sapasyn arttyrý, áıelderdiń ekonomıkalyq derbestigi men qıyn jaǵdaıda shyǵýyna sep bolatyn jeke bastamasyn nyǵaıtý. Munda qandaı da bir kásibı daǵdylar alýǵa deıin maksımaldy kómek kórsetiledi. Mysaly, qalanyń atele, shashtaraz jáne kýlınarııa sııaqty uıymdarymen sharttar negizinde master-klasstar uıymdastyrylady. Munyń barlyǵy jumys istemeıtin áıelderdiń óz betimen aqsha taba alýy úshin", - dedi "Sary Kazna" JShS dırektory Pavel Semenchenko.
"Mańyzdy istermen aınalysyńyzdar. О́kinishke oraı, bizde oblysta turmystyq kúsh kórsetýmen problemalar bar. Barlyq qala ákimderine mundaı uıymnyń jumys isteýine áleýmettik baǵdarlamalarǵa aqsha bólý qajet", - dep Jeńis Qasymbek tapsyrdy.