Bul týraly Memleket basshysy Qasym-Jomart Toqaev Parlament palatalarynyń birlesken otyrysynda Qazaqstan halqyna joldaýynda aıtty, - dep habarlaıdy Egemen.kz.
"Bir jerde ahýal turaqtalsa, ekinshisinde vırýstyń jańa oshaqtary paıda boldy. Úkimet jiberilgen qatelikterden sabaq alyp, jumysty jedel jolǵa qoıa bildi. Eń bastysy biz azamattardan esh nárseni jasyrmaı, indetten qaıtys bolǵandar týraly aqparattyń barlyǵyn ashyq jarııaladyq. Qanshalyqty ashy bolsa da, shyndyqty aıtyp otyrmyz. Bul keıbir memleketke qaraǵanda Qazaqstannyń utymdy tusy. Alaıda ahýaldyń jaqsarýy bosańsýǵa sebep bolmaýy tıis. Kúres áli jalǵasýda. Dúnıejúzilik densaýlyq saqtaý uıymynyń boljamy boıynsha pandemııany jeńý úshin kem degende 2 jyl qajet. Aldaǵy aılarda kúsh-jigerimizdi barynsha jumyldyra jumys isteıtin bolamyz. Osyǵan daıyn bolýymyz kerek", - dedi Qasym-Jomart Toqaev.
Prezıdent joldaýyn respýblıkalyq telearnalar tikeleı efır arqyly kórsetip, radıostansııalar tikeleı tolqynda taratyp jatyr.