SQO-da jol qurylysyna erekshe nazar aýdarylady. Asfalt tóselgen joldar júkti shamadan tys artyp alǵan kólikterdiń salmaǵyna shydamaıdy. Sóıtip, asfalttar búlinedi. Bul barlyq jol qozǵalysynyń qatysýshylarynyń qaýipsizdigine áserin tıgizedi.
SQO PD Jergilikti polısııa qyzmeti basqarmasy jol betiniń tozýy jáne buzylýy faktileriniń aldyn alý boıynsha SQO boıynsha Kóliktik baqylaý ınspeksııasynyń qyzmetkerlerimen ózara tyǵyz jumys jasap júr. SQO PD bastyǵynyń birinshi orynbasary, polısııa polkovnıgi Qanat Aıtbaevtyń aıtýyna qaraǵanda, jyl basynan beri oblys joldarynda birlesken 55 reıd ótkizilgen. Onyń barysynda salmaq parametrleriniń 38 buzýshylyǵy anyqtalyp, barlyq faktiler boıynsha materıaldar jınaqtalyp, buzýshylar ákimshilik jaýapkershilikke tartylǵan.
Taldaý kórsetkendeı, aýyr júk kólik júrgizýshileriniń taraptarynan aýyr salmaqty avtokólik quraldarynyń salmaq parametrlerin saqtamaı júrýi, júk jóneltýshilerdiń salmaq parametrlerin shamadan tys asyrýy, tasymaldaýshynyń taýarlyq-kóliktik júkqujattarynyń, joldama paraqtarynyń bolmaýy, sondaı-aq reıs aldyndaǵy tehnıkalyq baıqaýdan ótpegen kólikterdi jolǵa shyǵarý sııaqty buzýshylyqtarǵa jıi jol berilip júr.
Búgingi tańda Esil jáne Ýálıhanov aýdandaryndaǵy joldar problemaly bolyp otyr, bul joldar arqyly qıyrshyq tas tıelgen aýyr júk kólikter, onyń ishinde tranzıttik kólikter kóptep júredi. Jyl basynan Kóliktik baqylaý ınspeksııasynyń qyzmetkerleri osy joldardan 42 buzýshylyq tirkep, is qozǵaǵan.
Soltústik Qazaqstan oblysy