Ońtústik shahar basshysy B. Saǵyntaev aǵymdaǵy jyldyń sońyna deıin olqylyqtardyń ornyn toltyryp, ekonomıkalyq ósý qarqynyn ótken jyldyń deńgeıine jetkizý mindetiniń alǵa qoıylǵanyn atap ótti, dep habarlaıdy Egemen.kz
«Biraq, bul birqatar faktorlarǵa baılanysty damýdyń optımıstik ssenarııi ekenin túsiný qajet: birinshi kezekte epıdemıologııalyq ahýal turaqty bolýy tıis», - dedi qala ákimi.
«Almaty» TA Akimat Live baǵdarlamasynyń tikeleı efırinde qala ákimi B. Saǵyntaev almatylyqtardyń suraqtaryna jaýap bere kelip, sonymen qatar 31 tamyzdan birqatar nysandardyń jumystaryn qaıta bastaǵanyn habarlady.
Qala ákiminiń málimeti boıynsha, 31 tamyzdan bastap Almatyda 13,1 myń jumys orny bar 579 nysan jumystaryn qaıta bastady. Sonyń ishinde: dinı saıttar (jeke, ujymdyq is-sharalar ótkizbesten) - 600 jumys orny; mádenıet nysandary (kelýshiler úshin 5 sharshy metrge deıin, olardyń sany 50% -dan aspaýy tıis, sonyń ishinde 30 adamǵa deıingi ujymdyq jattyǵýlar, áleýmettik araqashyqtyqty keminde eki metrge saqtaı otyryp, úzilis kezinde úı-jaılardy jeldetý, maskalar qoldaný) - 6,2 myń jumys orny; basseınder (jeke formatta, bir kelýshige 5 sharshy metr sý aınasy esebinen, aldyn ala tirkelý) - 1,7 myń jumys orny; sport zaldary (kelýshilerge 5 sharshy metrge deıin, aldyn-ala tirkeý) - 2,8 myń jumys orny; sporttyq keshender (kelýshilerge 5 sharshy metrge deıingi jeke jáne toptyq jattyǵýlar úshin) - 1,3 myń jumys orny; erekshe qorǵalatyn tabıǵı aýmaqtar: memlekettik ulttyq tabıǵı parkter, qoryqtar, rezervattar jáne basqalary (15 adamnan aspaıtyn jeke jáne uıymdasqan toptar úshin, áleýmettik araqashyqtyqty keminde 2 metr saqtaý, betperde kııý) - 300 jumys orny; qala mańyna qatynaıtyn jolaýshylar poıyzdarynyń /elektr poıyzdarynyń, qalaaralyq, oblys ishindegi avtobýstardyń /shaǵyn avtobýstardyń qozǵalysy qalpyna keldi - 200 jumys orny.
Tótenshe jaǵdaı rejımi joıylyp, karantındik rejim jeńildegennen beri 855 myńǵa jýyq jumys orny bar 1885 kásiporyn jumysyn qaıta bastady.