Shveısarııanyń Non qalasynda fýtzaldan 2022 jyly Nıderlandta ótetin Eýropa birinshiliginiń jerbesi tartyldy, dep habarlaıdy Egemen.kz.
Aıtýly jarysta Qazaqstan quramasy 5 topta óner kórsetedi. Bizdiń jigitter Izraıl men Kıpr kezdesýiniń jeńimpazy jáne Belarýs pen Vengrııa fýtzalshylarymen sheberlik baıqasady. 2020 jyldyń qarashasy men 2021 jyldyń sáýir aralyǵynda ótetin bul básekeler Eýro dodasyna qatysatyn komandalardy anyqtaıdy. Al qart qurlyqtyń basty jarysy 2022 jyldyń 9 qańtary men 6 aqpany aralyǵynda Nıderlandtyń Amsterdam men Gronıngen qalalarynda uıymdastyrylady.
Esterińizge sala keteıik, jerlesterimiz Eýropa chempıonatyna úshinshi márte qatysqaly otyr. 2016 jyly Serbııada ótken jarysta qazaqstandyqtar qola medaldi ıelense, 2018 jyly Slovenııadaǵy saıysta tórtinshi orynǵa taban tiredi.