Almatydaǵy qoǵamdyq kólikterde maska rejiminiń saqtalýyn beınebaqylaý kameralary arqyly qadaǵalaıtyn pılottyq joba iske asty. Osy kezeńde eki marshrýt boıynsha 4 avtobýsqa 8 kamera ornatyldy, dep habarlaıdy Egemen.kz.
Nátıjesinde maska rejimin buzǵan 1773 jolaýshy anyqtalsa, olardyń 1106-sy múlde maskasyz júrgen, al 667 adam maskany durys taqpaǵan. Jumys barysynda 1 júrgizýshi jumystan shyǵarylyp, 3 júrgizýshige sógis jarııalandy.
Bul baǵyttaǵy jumystardy jalǵastyrý úshin Almaty qalasy "Kólik holdıngi" JShS men "Qazaqtelekom" AQ arasynda 8 marshrýttaǵy (№25, №7, 3. №205, №137, №37, №69, №38, №63) 32 avtobýsqa qosymsha kameralar ornatý týraly kelisim jasaldy.
Jobany iske asyrý kezinde kelesi áreketter júzege asty. Maska rejimin buzǵan jolaýshy týraly belgi ODB dıspetcherine kelip túsedi. Ol birden avtobýs júrgizýshisine habar beredi. Júrgizýshi kólikti toqtatyp, jolaýshyǵa maska kııýdi talap etedi, bolmasa salonnan shyǵarylady.