Bıyl dúnıe júzin qamtyǵan pandemııa ómirimizdiń barlyq salasyna ózgeris engizdi. Qıyndyqtar týyndady, kedergiler kezdesti.
Ásirese kásipkerlik salasy aıtarlyqtaı zardap shekti. Alynǵan nesıeler, ózge de tólemder jumysy toqtap turǵan kásipkerler úshin aıtarlyqtaı problemaǵa aınaldy. Elimizdegi epıdemııalyq ahýalǵa oraı qabyldanǵan shekteý sharalary bıznes ókilderiniń jumys isteýine áli de múmkindik bermeýde.
Memleket basshysy Joldaýynda osyndaı qıyndyqta qalǵan otandyq ónim óndirýshilerge jan-jaqty qoldaý kórsetiletinin aıtty. Ol úshin Úkimet pen «Atameken» Ulttyq kásipkerler palatasyna naqty mehanızm qalyptastyrý jóninde tapsyrma berildi. Sondaı-aq Prezıdent kásipkerlerge kedergi keltirý óte aýyr qylmys retinde qaralatyndyǵyn da jetkizdi. Bul rette arnaıy normatıvtik qujat ázirlenbek. Kásip ıeleri úshin eń úlken jańalyq – pandemııaǵa oraı naýryz aıynan bastap eń zardap shekken bıznes ókilderiniń qoldanystaǵy nesıesi sýbsıdııalanatyn boldy.
Bizdiń óńir aýyl sharýashylyǵy baǵytyndaǵy aımaq bolǵan soń shaǵyn sharýashylyqtardy kooperasııalarǵa biriktirýdi belsendi júrgizý kerek degen usynys kóńilden shyqty. Sondaı-aq aldaǵy ýaqytta agroónerkásipti damytýǵa arnalǵan 5 jyldyq memlekettik baǵdarlama qabyldanatyny da qýantady.
Ǵalymbek JAQSYLYQOV,
Qyzylorda oblystyq kásipkerler palatasynyń dırektory