Atalǵan nysan "Almaty Business 2025" memlekettik baǵdarlamasy aıasynda ótken jyldyń qarasha aıynda iske qosylǵan, dep habarlaıdy Egemen.kz.
"Almaty Finance" kompanııasy Jobalardy súıemeldeý departamenti dırektory Nurjan Sadyqov nysandaǵy qoldaý júıesine toqtaldy.
Jobanyń basty maqsaty qoldanystaǵy óndiristik ǵımarat alańdaryn qaıta jóndeýden ótkizip, jetildirý. Sonymen qatar, osy ónerkásiptik park aýmaǵynda biryńǵaı klaster qurý mindeti qoıyldy. Bylaısha aıtsaq, osyǵan uqsas baǵyttaǵy jobalardy ornalastyrý. Ǵımarat alańy belgilengen tómen baǵamen jalǵa beriledi. Iаǵnı, 1 sharshy metriniń baǵasy 1000-1200 teńgege teń, al jalǵa berý merzimi 5-7 jyl. Birinshi joba "Furtina" kompanııasy júzege asyratyn jıhaz óndirisine qatysty. Munda eki ese jetistikke qol jetken. Iаǵnı, ónerkásiptik park qurylysyna qoldaý kórsetý nátıjesinde jıhaz jasaý jobasy júzege asyrylýda. Eger ónerkásiptik parkti jyldyq 6% mólsherlememen qarjylandyrylsa, al jıhaz jasaý jobasyna jyldyq 2% mólsherlememen qarajat bólingen. Jeti jylǵa deıingi merzimge ınvestısııalyq jobalardy júzege asyrý úshin, al 3 jylǵa komıssııasyz kapıtal aınalymyna qoldaý kórsetý maqsatynda jyldyq 2–6% mólsherlememen nesıe beriledi.Nesıelendirý baǵdarlamalarynyń ereksheligi –klıentpen tikeleı baılanysyp, tolyqtaı qyzmet túrlerin usyný.
"Almaty Finance" kompanııasy ókiliniń aıtýynsha, kásipkerler úshin taǵy da birqatar artyqshylyqtar bar. Atap aıtsaq, jobany qarastyrý barysynda eshqandaı komıssııa alynbaıdy. Buǵan qosa, seriktesterge "Almaty fınans" kompanııasy, "Qolday" kásipkerlik ortalyǵy, "Almaty" shaǵyn qarjy úıymy ornalasqan "Investısııalar úıinde" qyzmet túrleri kórsetiledi.Sondaı-aq, qarajatty qarastyrý merzimi 30 kúnnen 5-10 kúnge deıin qysqartyldy.Aldaǵy ýaqytta Almaty qalasynda osy ndaı taǵy alty ónerkásiptik parkterdi qurý josparlanýda. Buǵan qosa, ınvestor kreatıvti ındýstrııa, áleýmettik nysandardy salý, óńdeý ónerkásibi jobalaryn damytý, turaqsyz saýda nysandary jelisin damytý salasyndaǵy jobalarǵa qoldaý kórsetpek. "Almaty Finance" kompanııasy ókilderiniń aıtýyna súıensek, bulardyń qataryna ónerkásiptik parkter, qyzmet kórsetý ortalyqtary, "qoljetimdi jerde" ornalasqan jańa formattaǵy dúkender jatady.Qazirgi sátte, baǵdarlama aıasynda 6,6 mlrd. teńge somasyna 29 joba maquldandy. Olardyń ishinde, 17 joba 5,4 ılrd.teńge kóleminde qarjylandyrylyp, 214 jumys orny ashyldy. Sondaı-aq, 1,7 mlrd.teńgege teń jobalar qarastyrylýda.
Ortalyq pen perıferııa arasyndaǵy iskerlik klımattaǵy tegerimsizdikti joıý úshin, qalanyń jańa aýdandaryna, onyń shet aımaqtaryna basty nazar aýdarylady."Ala Estate" JShS basshysy Qanat Bıdaralovtyń aıtýynsha, ónerkásiptik park aýmaǵynda qazirgi sátte korpýstyq jıhaz ben medısınalyq jáne arnaıy jıhaz óndiretin kompanııalar ornalasqan. Qyrkúıek aıynyń sońyna deıin munda keńse taýarlary, ekologııalyq qaptamalar men betperdeler óndiretin kásiporyndar iske qosylmaq.