Aımaqtyq kommýnıkasııalar qyzmeti alańynda Prezıdent joldaýy aıasynda kásipkerlikti qoldaý máselesine oraı Almaty qalasy Kásipkerlik jáne ınvestısııalar basqarmasynyń basshysy Erkebulan Orazalın aǵymdaǵy jumystarmen tanystyrdy, dep habarlaıdy Egemen.kz.
"Memleket basshysy Q.K. Toqaev Joldaýynda shaǵyn jáne orta bıznesti jan-jaqty qoldaý jáne pandemııanyń jaǵymsyz ekonomıkalyq saldaryn eńserý úshin barlyq qajetti sharalar qabyldaý máselelerine erekshe nazar aýdardy.
Prezıdent óziniń sózinde birqatar bastamalardy atap ótti, onyń sheńberinde bizdiń ári qaraıǵy jumysymyz qalyptasady", dep atap ótken E.Orazalın qazirgi ýaqytta pandemııanyń sebebinen qalyptasqan asa jaǵymsyz jaǵdaı qyzmet kórsetý salasy men saýda salasyna áserin tıgizgendigine toqtaldy.
Kóterme-bólshek saýdanyń naqty kóleminiń ındeksi aǵymdaǵy jylǵy qańtar-shilde aılarynyń ishinde – 84%-dy qurady (Anyqtama úshin: aǵymdaǵy jylǵy qańtar-shilde aılarynyń ishinde bólshek saýda kólemi 1 643,8 mlrd. teńgeni, naqty kóleminiń ındeksi – 81,2%-dy, qańtar-shilde aılarynda kóterme saýda taýar aınalymynyń kólemi 5 143,1 mlrd. teńgeni, naqty kóleminiń ındeksi – 86,3%-dy qurady).
E.Orazalın óz sózinde "Budan basqa, kólik jáne qoımalaý, tamaqtaný jáne qonaq úı boıynsha kórsetiletin qyzmetter, bıznes, týrızm, oıyn-saýyq jáne demalys boıynsha kórsetiletin qyzmetter sekildi salalarda jaǵdaıdyń nasharlaǵany baıqalady.
Tótenshe jaǵdaı men karantın rejimi bastalǵaly beri, ekonomıkalyq jaǵdaıdy turaqtandyrý úshin, Almaty qalasynyń ákimdigi jumys oryndary men kásipkerlik sýbektilerin barynsha saqtaýǵa baǵyttalǵan qoldaýdyń birqatar negizgi sharalaryn qabyldady" dep atap ótti.