Almaty, Astana, О́skemen men Semeı qalalarynyń dúkenderinde saýdalanady
Aýyldaǵy shujyq zaýytynyń ataq-dańqy bul kúnderi kópshilikke jaqsy tanys. Úrjardyń shujyǵyn qazir elimizdegi birneshe qalalar men oblys ortalyǵynyń turǵyndary izdep júrip satyp alady desek, artyq aıtqandyq emes. Sebebi, baǵasy jurt qaltasy kótererlikteı, onyń ústine dámi til úıiredi.
Almaty, Astana, О́skemen men Semeı qalalarynyń dúkenderinde saýdalanady
Aýyldaǵy shujyq zaýytynyń ataq-dańqy bul kúnderi kópshilikke jaqsy tanys. Úrjardyń shujyǵyn qazir elimizdegi birneshe qalalar men oblys ortalyǵynyń turǵyndary izdep júrip satyp alady desek, artyq aıtqandyq emes. Sebebi, baǵasy jurt qaltasy kótererlikteı, onyń ústine dámi til úıiredi.
– «Shvab shujyǵy» jaýapkershiligi shekteýli seriktestigi 1995 jyly qurylǵan. Qazir munda 80 adam jumys istep, taǵamdardyń 60-tan astam túrin shyǵaryp jatyr. Máselen, «Alakól», «Musylman», «Ańshylyq» jartylaı ystalǵan shujyqtyń bir kılogramy 800-1200 teńge turady. «Doktorlyq» shujyqtyń bir kılogramy 860 teńge ǵana. Elbasynyń Qazaqstan halqyna Joldaýynda aýylsharýashylyq ónimderin shyǵarýda tyń izdenister bolýy qajettigi atap kórsetilgen. Jaqynda ǵana sút ónimderinen qurt, irimshik, basqa da taǵamdardy shyǵaryp, О́skemendegi aýylsharýashylyq jármeńkesine aparǵanymyzda, tutynýshylar pyshaq ústinen talap áketti. Úrjarda 56 mektep bar, saýda oryndary júzdep sanalady, olar nan-toqash taǵamdaryna tapsyrys berip jatatyn. Jaqynda ǵana «Tátti-dámdi» seriktestigin qurdyq, onda 15 adam jumys istemek, buryn tátti toqashtar men tortty Almatydan tasysaq, endi Úrjarda shyǵaratyn boldyq, – dep seriktestiktiń basshysy Saılaýbek Nursılenov kásiporynnyń tynys-tirshiligimen tanystyryp ótti.
Keń seh ishin aralap júrmiz. Tehnolog Aıgúl Shoqanaeva munda uzaq jyldan beri eńbek etedi eken. Kásiporynnyń ishi taza, qaz-qatar turǵan qyz-kelinshekter shujyq taǵamdaryn jasaýda. Taǵy bir jańalyq, seriktestik 50 mıllıon teńgege arnaıy qondyrǵy satyp alyp, «Halal» shujyqtaryn shyǵarýdy ıgeripti. 30 mıllıon teńge nesıe alyp, kásiporynnyń qondyrǵylaryn ózgertken. Aıgúl Kákenqyzynyń aıtýynsha, kúnine úsh tonnaǵa jýyq shujyq shyǵarylady eken. Jyl basynan beri seriktestik 171 tonna shujyq óndirgen. Al mal jaqyn mańdaǵy aýyldardan satyp alynady eken.
– «Shvab shujyǵy» seriktestiginiń basshylary únemi izdeniste júredi, qandaı bir jańalyqtarǵa jany qumar. Shujyq shyǵarý bar da, ony tutynýshylarǵa satý ońaı sharýa emes. Jaqynda kásiporyn basshysy Saılaýbek Kúsetaıuly maǵan jolyǵyp, О́skemende jańadan ashylǵan fermerler ortalyǵynan oryn alyp, óz ónimderin satý jóninde usynysyn aıtty. Budan bylaı, oblys ortalyǵynyń turǵyndary kásiporyn baǵasymen satyp alý múmkindigine ıe boldy. Bal quıatyn qorapshalar da jasalyp, Úrjardyń aǵzaǵa paıdaly tátti dámin shyǵara bastady. Oǵan da suranys joǵary, – dep aýdan ákimi Serik Zaınýldın kásiporyn qulashynyń keńge jaıa bastaǵanyn ańǵartty.
Úrjardaǵy shujyq kásiporny aldaǵy ýaqytta da óz taǵamdarymen kópshilikti qýanta bermek.
Ońdasyn ELÝBAI,
«Egemen Qazaqstan».
Shyǵys Qazaqstan oblysy,
Úrjar aýdany.