Petropavl polıseıleri jýyrda mashına esigin buzbaı ashyp, ishindegi zattardy qoldy qylǵan uryny ustady, dep habarlaıdy Egemen.kz
Ol 56 jastaǵy Qyzyljar aýdanynyń bir turǵyny bolyp shyqty. Qaıdan ekeni belgisiz, áıteýir ol qolyna dúkende satyla qoımaıtyn esiktiń dabylyndaǵy kodty oqı alatyn quraldy túsirip, mektep nemese balabaqsha mańyna toqtap, balalaryn asyǵys ishke áketken ata-analardyń mashınalaryn ashyp, ishindegi zattaryn qoldy qylýdy kásip etedi. Sonyń ishinde qalanyń Gorkıı kóshesinde ornalasqan №10 mekteptiń aldyna qoıylǵan Mitsubishi kóligin ashyp, ishinen bank kartalary men aqshasy bolǵan ámııanyn urlaǵan. Keltirilgen shyǵyn somasy 150 myń teńge. Osyndaıda az ýaqytqa ketse de, ámııanyn ishke ashyq qaldyratyndarǵa saq bolý kerektigin eskertkimiz keledi. Árıne adam esigi qulyptalǵan mashınadan az ýaqytta eshkim eshteńe urlaı qoımas dep senedi. Biraq qazirgi urylar neshe túrli joǵary tehnologııaǵa qol jetkizip jatqanyn umytpaý kerek.
Shaqyrylǵan krımınalıster buzyp kirý belgilerin tappaı, esiktiń kodpen ashylǵanyn anyqtaǵan. Kelesi oqıǵa Altynsarın kóshesindegi balabaqshanyń qasynda bolǵan. Ury Nissan Almera avtokóliginen qujattar men 22 myń teńge aqshasy bolǵan ámııandy qoldy qylǵan.
Polıseıler jańa tehnologııalyq quralmen jaraqtalǵan kólik tonaýshynyń izine túsý úshin balalaryn mektepke nemese balabaqshaǵa aparatyn analardyń kóligin torýyldaǵan. Keshendi jedel-izdestirý is-sharalarynyń nátıjesinde kúdikti ustaldy. Ol buryn túrli qylmystar jasaǵany úshin birneshe ret sottalǵan 56 jastaǵy Qyzyljar aýdanynyń turǵyny bolyp shyqty. Polıseıler tintkende onyń qaltasynan esik ashý dabylynyń kodyn oqıtyn elektrondy qurylǵyny alyndy. Qazirgi ýaqytta kúdikti ýaqytsha ustaý ızolıatoryna qamaldy. Onyń basqa da osy tárizdes qylmystarǵa qatystylyǵy da tekserilýde. Faktiler boıynsha onyń ústinen Qylmystyq kodekstiń "Urlyq" baby boıynsha is qozǵaldy. Urlanǵan zattardyń bir bóligi alynyp, ıelerine qaıtaryldy.
"Zamanaýı tehnologııa qylmystyq ortaǵa enip, qylmys jasaýdyń jańa tásilderin týdyrýda. Osyndaı qaýipti jańashyldyqtan qorǵaný qıynǵa soǵady. Degenmen, saqtaq sharalary týraly aıtylǵan keńester adamdarǵa óz múlkin saqtaýǵa septigin tıgizedi. "Saqtyqta qorlyq joq" ekenin árkim esine ustaýy kerek. Qylmyskerlerdiń qyzyǵýshylyǵyn týdyratyn aqsha, qujattar men qundy zattardy kólikte qaldyrýǵa bolmaıdy. Keıbireýler tipti ony ashyq qaldyra salady. Tipti tyǵyp qaldyrǵannyń ózinde ańdyp júrgen ury adamnyń, sonyń ishinde ásirese áıel júrgizýshilerdiń mashınadan sómkesiz shyqqanyn kórip, ámınnyń salonda ekenin birden biledi. Sonymen qatar kólikti beınekameralardyń sholý aımaǵyna qaldyrǵan abzal. Al beınebaqylaý júıesi uryny ustaýda mańyzdy ról atqaratynyn aıta ketý qajet", deıdi SQO PD bastyǵynyń orynbasary polısııa polkovnıgi Rýslan Nazarov.
Elektrondy qurylǵymen jasalǵan urlyqtyń osyǵan uqsas jaǵdaıy Petropavlda buryn da tirkelgen bolatyn. Bálkı ony jasaǵan da osy ury bolýy múmkin. Qazir ol jiti tergelýde.