Kókshetaýdaǵy №5510 áskerı bóliminiń aýlasynda «Qýatty ásker – qýatty Qazaqstan» patrıottyq sharasy aıasynda bolashaq 60 sarbazdy ásker qataryna saltanatty shyǵaryp salý rásimi ótkizildi. Jınalǵan qaýymdy Aqmola oblysy ákiminiń birinshi orynbasary Rashıt Ákimov pen «Nur Otan» partııasy oblystyq fılıaly saıası keńesiniń múshesi, qalanyń qurmetti azamaty Zýra Shýataeva, Uly Otan soǵysynyń ardageri Nıkolaı Derıglazov, oblystyq qorǵanys isteri jónindegi departament basshysy, polkovnık Janat Erejepov quttyqtady.
Kókshetaýdaǵy №5510 áskerı bóliminiń aýlasynda «Qýatty ásker – qýatty Qazaqstan» patrıottyq sharasy aıasynda bolashaq 60 sarbazdy ásker qataryna saltanatty shyǵaryp salý rásimi ótkizildi. Jınalǵan qaýymdy Aqmola oblysy ákiminiń birinshi orynbasary Rashıt Ákimov pen «Nur Otan» partııasy oblystyq fılıaly saıası keńesiniń múshesi, qalanyń qurmetti azamaty Zýra Shýataeva, Uly Otan soǵysynyń ardageri Nıkolaı Derıglazov, oblystyq qorǵanys isteri jónindegi departament basshysy, polkovnık Janat Erejepov quttyqtady.
Saltanatty shara Aýǵanstan men Tájikstan shekarasyndaǵy Pshıhvar qoınaýynda erlikpen qaza tapqan 17 jaýyngerdiń memorıaldyq taqtasyna gúl shoqtaryn qoıýmen bastalyp, bir mınýttyq únsizdik jarııalandy. Atalǵan áskerı bólimniń komandıri, podpolkovnık Ábdimurat Táshimbetov bolashaq sarbazdardy áskerı urys tehnıkalary men qarý-jaraqtar kórmesimen tanystyryp, jaýyngerlik ómir jaıynda áńgimeledi. «Qazaqstannyń áskerı sapynda qyzmet atqarý – árbir azamattyń abyroıly paryzy, onda patrıotızm men shynaıy dostyq, qıyn syndarǵa tótep berer qaısarlyq sezimderi qalyptasady», dep atap kórsetti ol.
Áskerı bólim aýlasynda Qorǵanys mınıstrligi Sh.Ýálıhanov atyndaǵy Kadet korpýsynyń úrlemeli orkestri oryndaǵan rýh kóterer áýender qalyqtady. Aksııa barysynda oblystyq ishki ister departamentiniń arnaıy maqsattaǵy «Arlan» vzvodynyń áskerı urys qımyldary kórsetildi. Jurtshylyq nazaryna «Kókshetaý» mádenıet saraıynyń, ınternasıonalıst-jaýyngerlerdiń «Ardager» tobynyń konserttik baǵdarlamalary usynyldy.
Sondaı-aq, jas sarbazdardyń Keńes Odaǵynyń Batyry Málik Ǵabdýllınniń murajaıynda bolyp, ekinshi dúnıejúzilik soǵys ardagerleriniń úılerine kirip shyǵýy júrekterge taǵylym men tolǵanys uıalatqanyn aıtqymyz keledi.
Baqbergen AMALBEK,
Egemen Qazaqstan».
Aqmola oblysy.