Osyndaı atpen elordada alǵash ret qazaq ulttyq ónerin jetik meńgergen etnostyq toptar ókilderi festıvaliniń konserti otti
Mádenıet jáne aqparat mınıstrligi men Qazaqstan halqy Assambleıasynyń uıymdastyrýymen Tilep-Qobyz saraıynda elimiz aımaqtarynan iriktelgen qazaq ónerin jetik meńgergen ózge ult ókilderiniń respýblıkalyq gala-konserti ótti. Ony Shyǵys Qazaqstannan kelgen «Ýlybka»
bıshiler toby ashty.
Osyndaı atpen elordada alǵash ret qazaq ulttyq ónerin jetik meńgergen etnostyq toptar ókilderi festıvaliniń konserti otti
Mádenıet jáne aqparat mınıstrligi men Qazaqstan halqy Assambleıasynyń uıymdastyrýymen Tilep-Qobyz saraıynda elimiz aımaqtarynan iriktelgen qazaq ónerin jetik meńgergen ózge ult ókilderiniń respýblıkalyq gala-konserti ótti. Ony Shyǵys Qazaqstannan kelgen «Ýlybka»
bıshiler toby ashty.
Kúmbirlegen kúıler, áýelegen ásem ánder men termeler jıylǵan jurtqa kóterińki kóńil-kúı syılady. Dına Nurpeıisovanyń kúıi «Naýysqyny» halyqaralyq konkýrstardyń laýreaty Andreı Fendrıkov naqyshyna keltire oryndasa, dombyrashylar Georgıı Iýgaı men Olga Jeltýhına «Erke sylqym» men «Adaı» kúılerin tartqanda jınalǵan qaýym bir serpilip qaldy. Batys Qazaqstannan kelgen termeshi qyz Nadejda Sarmına bolsa, Súgir jyraýdyń termesin jeldirte oryndap, kórermender kózaıymyna aınaldy.
Respýblıkalyq konkýrstardyń laýreaty Nına Moıseeva N.Tilendıevtiń «Saryjaılaý» ánin shyrqasa, A.Dúısenovtiń «Toıǵa tilek» áni Patıza Bolkvadzeniń oryndaýynda óte áserli shyqty. Igor Blagodarnyı, Roman Kım, Albına Oganesıan shyrqaǵan ánder de tyńdarmanyn tamsantýmen boldy.
M.Ǵumarovanyń «Týǵan jer – Otan ana» ánin respýblıkalyq konkýrstarda top jarǵan ánshi qyz Janna Vereshak erekshe shabytpen oryndady. Ol bul ánniń úlken sahnada alǵash ret shyrqalyp otyrǵanyn jetkizdi. Ekibastuzdan kelgen arý ónerdi bes jasynan serik etkenin aıta kele, ákem dombyrada sheber oınaǵandyqtan, meniń de ónerge qushtarlyǵym erte oıandy, dedi.
Festıvalǵa qatysqan barlyq ónerpazdar arnaıy dıplomdarmen marapattaldy.
Ábdirahman QYDYRBEK,
«Egemen Qazaqstan».