Rejısser Aqan Sataevtyń "Tomırıs" fılmi qyrkúıektiń 2-si men 13-i aralyǵynda Parıjde ótken fransııalyq L'Étrange Festival kınofestıvaliniń Gran-prıin jeńip aldy, dep habarlaıdy Egemen.kz "Qazaqfılm" baspasóz qyzmetine silteme jasap.
Arnaıy "Jańa janr" júldesin Fransııadaǵy eń iri aqyly telearnalardyń biri Canal+ tabystap, fılmdi kórsetý quqyǵyn satyp alyp, praım-taım ýaqytynda kórsetilý josparlap otyr.Eske salsaq, kınotýyndy bizdiń zamanymyzǵa deıingi VI ǵasyrda bolǵan oqıǵany sýretteıdi. Fılmde kishkentaı qyzdan aıbyndy jaýyngerge aınalǵan, jaqyndarynan aırylyp, satqyndardan óshin alǵan jáne saq taıpalaryn óz bıligi astynda biriktirgen uly dalanyń aty ańyzǵa aınalǵan Tomırıs patshaıymynyń taǵdyry baıandalady.Fılm QR Mádenıet jáne sport mınıstrliginiń tapsyrysymen "Qazaqfılm" kınostýdııasynda Sataifilm kompanııasynyń qatysýymen túsirilgen.