О́ńirlik kommýnıkasııalar qyzmetiniń alańynda ótken onlaın-brıfıng barysynda Almaty qalasynyń tótenshe jaǵdaılar jónindegi Departamenti basshysynyń orynbasary, azamattyq qorǵanys polkovnıgi Arman Baıgelov jylytý maýsymy aldyndaǵy órt qaýipsizidigi barysymen tanystyrdy, dep habarlaıdy Egemen.kz
Búginde Almaty qalasy boıynsha qatty otynmen jylytatyn 1899 turǵyn úı bar, olardyń 605-i halyqtyń áleýmettik jaǵynan osal toptarynyń baspanalary. Arman Baıgelov jylytý maýsymynda tótenshe jaǵdaılardy boldyrmaý maqsatynda Almaty qalasynyń tótenshe jaǵdaılar jónindegi departamenti aldyn alý sharalaryn júrgizip, órttiń aldyn alý kómegine muqtaj áleýmettik jaǵynan osal topqa jatatyn 945 úı jeke topqa bólingendigin atap ótti.
"Búgingi tańda Departament jergilikti polısııa qyzmeti jáne ákimdik qyzmetkerlerimen birlesip, áleýmettik osal topqa jatatyn 945 úıdi tekserdi. Jergilikti atqarýshy organdardyń qoldaýymen ýly gazdy anyqtaıtyn 40 datchık satyp alynyp, ornatyldy. Datchıktar áleýmettik osal jáne jaǵdaıy tómen toptaǵy azamattadyń úılerine ornatylýda", dep habarlady Arman Baıgelov.
Sońǵy úsh jyl ishinde barlyǵy 1181 datchık ornatyldy. О́rt qaýipsizdigi erejelerin saqtaý týraly 3722 jadynama taratylyp, buryn ornatylǵan datchıkterdiń jumysqa jaramdylyǵy jáne olarǵa tehnıkalyq jaramdylyǵy tekserildi.