Quqyq qorǵaý organdarynyń qyzmetkerleri ózderiniń atyna halyqtyń atynan alǵys aıtylyp jatsa rıza bolyp qalady. О́ıtkeni, olar da pende ǵoı. Kóbinese halyq narazylyǵyn ǵana estıtin olar bizge de jyly sózder aıtylady eken dep kóńilderi de kóterilip, jumystaryna degen yntasy da artyp qalady.
Al kóshi-qon qyzmetiniń ınspektory, kapıtan Raıhan Bestaevaǵa alǵys hat tipti alystaǵy Polshadan jetipti. Buryn SQO-nyń Taıynsha aýdanynda turyp kelip, keıin Polshaǵa qonys aýdarǵan 66 jastaǵy Evgenııa Antonovna Qazaqstanǵa qonaqqa kelip, qaıta keterinde aıaq astynan problema bolyp, onyń ushaqqa keshigip qalý qaýpi týady. Sol kezde kapıtan Raıhan Bestaeva onyń isine janashyrlyqpen aralasyp, bıýrokratııalyq kedergilerden tez ótkizip, máselesin sheship beredi. Qazaqstandyq sheneýniktiń bul isine rıza bolǵan polıak qyzy ony umytpaı, alǵysyn aıtyp, hat jazyp jibergen eken. Onda bylaı delingen: "Raıhan, sálemetsiz be?! Men adamdarǵa degen iltıpatyńyz, meıirimdiligińiz úshin sizge shyn júrekten alǵys aıtqym keledi. Kásibılik kórsetip, jaǵdaıdy túsingenińiz úshin rahmet. Osyndaı qyzdy tárbıelegen ata-anańyzǵa alǵysym sheksiz, densaýlyqtary myqty bolsyn. Baqytty bol! Barlyq kóshi-qon qyzmetiniń qyzmetkerlerine kórsetken kómekteri úshin kópten-kóp rahmet aıtamyn".
"Adamdardyń rızashylyǵyna bólený biz úshin zor qýanysh. Meniń kóshi-qon qyzmetinde jumys istegenime 5 jyl boldy, osy jyldar ishinde júzdegen túrli qujat resimdedim. Olardyń árqaısysynyń artynda adam taǵdyry tur, eger biz óz úlesimizdi qosyp, adamdarǵa kómegimizdi tıgizsek, biz osyǵan qýanamyz", - deıdi Raıhan Bestaevanyń ózi.
Osyndaı qyzmetkerler basqa da sheneýnikterge úlgi bolsa, qanekı.