Aqparat jáne qoǵamdyq damý mınıstri "Balaevaǵa 3 suraq" baǵdarlamasynda jýrnalısterdiń kásibı biliktiligin arttyrý máselesin sóz etti, dep habarlaıdy Egemen.kz.
"Aqparat quraldary adam tárbıeleıdi. Olar qoǵam men bılik arasyndaǵy dáneker. Biz eń bastysy tájirıbeli mamandar daıarlaýǵa kúsh salýymyz kerek. Sondyqtan jýrnalıstıka mamandaryn daıarlaıtyn joǵary oqý oryndarynyń oqý quraldary men oqý baǵdarlamalaryn qaıta qaraǵan jón. Olardyń qazirgi zamanǵa sáıkestigin saralaý kezek kúttirmeıtin másele», dedi A.Balaeva.
Budan soń, mınıstr salalyq jýrnalıstıkany damytýǵa kúsh salý kerektigin aıtty.
"Biz pandemııa kezinde medısına salasynda salalyq jýrnalısterdiń joqytyǵyn baıqadyq. Tek qana medısına salasynda ǵana emes, aýyl sharýashylyǵy, ekonomıka jáne taǵy da basqa salalarda jýrnalıster daıyndaýymyz qajet", dedi ol.
Sondaı-aq ol jýrnalısterdiń kásibı biliktiligin arttyrý máselesine toqtaldy.
"Jýrnalısterdiń biliktiligin arttyrý maqsatynda sheteldik medıa mekteptermen áriptestik ornattyq. Jýrnalısterdiń biliktiligin arttyrý mańyzdy. О́ıtkeni qazir "jýrnalıster press-relızden ary shyǵa almaı jatyr" degen syndar aıtylyp júr. Sondyqtan biz saraptama jasaı alatyn, jalpy biliktiligi men bilimi myqty jýrnalıster dúnıege kelýine jaǵdaı jasaýymyz kerek", dedi mınıstr.