Oqıǵa 19 qyrkúıekte Qaraqııa aýdanynda Shopan ata kıeli ornyna barar jolda oryn alǵan. Mańǵystaý oblystyq tótenshe jaǵdaılar departamentine qarasty daǵdarys jaǵdaılarynyń basqarmasyna deltaplan atty motorsyz ushatyn apparattyń qulaǵany jaıly habarlama kelip túsken. Bul týraly Mańǵystaý oblystyq Tótenshe jaǵdaılar departamenti baspasóz qyzmeti habarlady.
Deltaplan apaty saldarynan zardap shekken 1988 jyly týylǵan azamatqa kómek kórsetýge oqıǵa ornyna qutqarýshylar toby - oblystyq tótenshe jaǵdaılar departamentiniń bes qutqarýshysy kelip jetken.
Eki qoly synǵan azammattyń óz kúshimen áreket etýi múmkin bolmaǵan. Er adamǵa alǵashqy medısınalyq kómek kórsetilip, alpınısttik jaraqtardyń kómegimen ony jardan túsirip, aýrýhanaǵa jetkizdi.