Álemdi jaýlaǵan koronavırýs indetiniń saldarynan túrmedegi jazasyn ótep jatqan azamatshalardyń týǵan-týystary, jaqyndarymen kezdesýiniń formaty ózgerdi. Endi munan bylaı jazasyn óteýshiler QR IIM-niń jáne QR IIM QAJK-niń ruqsaty boıynsha qysqa merzimdi kezdesýlerdiń ornyna tótenshe jaǵdaı aıaqtalǵanǵa deıin WhatsApp áleýmettik jelisi arqyly sóılesetin boldy, dep habarlaıdy Egemen.kz
Búgingi tańda sottalǵan azamatashalardyń ótinishteri boıynsha beıne kezdesýler uıymdastyrylýda.
"Sottalǵan azamatshalarǵa uzaqtyǵy eki saǵat qysqa merzimdi, al, mekeme aýmaǵynda uzaqtyǵy eki táýlik uzaq merzimdi kezdesýler Qazaqstan Respýblıkasynyń Qylmystyq atqarý kodeksiniń 106-babyna saı ótkizilý qajet. Sottalǵandarǵa olardyń ótinishi boıynsha uzaq merzimdi kezdesýdi – qysqa merzimdi kezdesýmen aýystyrý zańda qarastyrylǵan. Qazirgi tańda, Respýblıka aýmaǵynda júrip jatqan koronavırýstyq indetke baılanysty, arnaıy kontıngentke kezdesý berý ýaqytsha toqtatylǵan. Bul sharalar tótenshe jaǵdaı kezinde sottalǵan azamatshalardyń qaýipsizdigin saqtaý úshin jasalynǵan. Biz azamatghshalardyń quqyqtaryna barynsha shekteý boldyrmaý jáne týǵan-týysqandarymen qarym-qatynasyn úzbeýin qamtamasyz etý maqsatynda osy jańa formatta kezdesýdi uıymdastyryp otyrmyz", deıdi ICh-167/4 mekemesi jedel bólim bastyǵy, ádilet maıory Aıdos Alıev
Atalǵan kezdesý tásili sottalǵan azamatshalardyń jáne olarmen baılanystaǵy tulǵalardyń kóńilinen shyǵyp, uıymdastyrýshylarǵa alǵystaryn jetkizýde.
Kóptegen sottalǵan azamatshalardyń týys-týǵandary alys óńirlerden ár túrli sebeptermen kezdesýge ýaqytyly kele almaýyna baılanysty osy beıne baılanysty aldaǵy ýaqytta zańdy túrde qoldanysqa engizýge ótinish bildirýde.