ÝEFA óziniń resmı saıtynda 2019/20 jylǵy fýtbol maýsymnyń eń úzdik oıynshysy ataǵynan úmitker úsh esimdi atady. Olar – Kevın de Brıýıne, Robert Levandovskı jáne Manýel Noıer.
Joǵaryda esimderi atalǵan oıynshylardyń barlyǵy da álemdik fýtbol tarıhynda ózindik iz qaldyrǵanyna eshkimniń daýy joq. Máselen, 29 jastaǵy Belgııa ulttyq quramasynyń jartylaı qorǵaýshysy Kevın de Brıýıne 2005 jyldan beri Anglııa Premer-lıgasynda «Manchester Sıtıdiń» sapynda óner kórsetýde. О́tken maýsymda ol 35 ret jasyl alańǵa shyǵyp, 15 goldyń avtory atandy. 21 ret óz áriptesterine nátıjeli pas berdi.
32 jastaǵy polshalyq Robert Levandovskı men 34 jastaǵy nemis Manýel Noıer uzaq jyldar boıy «Bavarııanyń» namysyn qorǵaýda. Alǵashqysy – shabýylshy, ekinshisi – qaqpashy. Levandovskıı byltyrǵy maýsymdaǵy 31 oıynda 34 ret qarsylastar qaqpasyn dál kózdedi. Al Noıer talaı mańyzdy matchtarda nebir joıqyn soqqylardy keri qaıtaryp, óziniń álemdegi eń úzdik qaqpashylardyń biri ári biregeıi ekenin san márte dáleldedi.
Byltyr bul ataqty Nıderland ulttyq quramasy men Anglııanyń «Lıverpýl» klýbynyń tasqamal qorǵaýshysy Vırdjıl van Deık ıelengen bolatyn. Al bıylǵy jyldyń úzdigi 1 qazanda anyqtalady.