Tabıǵat janashyrlary men qoǵam belsendileri apta saıyn Jaıyq ózeniniń jaǵasyn qoqys tazartyp keledi. О́tken senbide olardyń qataryna "Kaspıı qubyr konsosıýmy-Qazaqstan" men "QazTransOıl" kompanııalarynyń munaı tasymaldaýshylary qosylyp, ózen jaǵasynan 10 tonna qoqys jınady, dep habarlaıdy Egemen.kz
"Atyraý – bizdiń qalamyz. Sol sebepten, qalamyzdyń tazalyǵyna óz úlesimizdi qosý úshin "Taza qala úshin" aksııasyna qoldaý bildirip, Jaıyq ózeniniń jaǵalaýyn qoqys pen plastık qutylardan tazarttyq" deıdi "Kaspıı qubyr konsosıýmy-Qazaqstan" kompanııasynyń óńirlik menedjeri Muhıt Majenov.
Al jelilik bólikke tehnıkalyq qyzmet kórsetý jónindegi menedjer Altaı Batyrǵalıdyń aıtýynsha, jaǵalaýdy tazalaýǵa eki kompanııanyń ókilderi otbasylarymen birge kelgen. Olar jınalǵan qoqystan plastık pen shynyny, qaǵazdy bólek jınady.
"Qorshaǵan ortaǵa janashyrlyq tanytýǵa ujymdyq qoldaý kórsetý – korporatıvtik rýh, al, tabıǵatty qorǵaý – urpaǵymyzǵa, balalarymyzǵa úlgi. Mundaı aksııaǵa birneshe ret qatysyp, balalarymdy ózimiz turatyn aýmaqty tazalaýǵa úıretip kelemin", deıdi jelilik bólikke tehnıkalyq qyzmet kórsetý jónindegi menedjer Altaı Batyrǵalı.
Munaı-gaz qubyryn paıdalaný jónindegi menedjer Evgenıı Kýstadınchev jarty saǵatta úsh qapty turmystyq qaldyqtarmen toltyrypty.
"Shyny men plastık eshqashan ydyramaıtynyn uǵynýymyz kerek. Bul qoqys sýǵa túsip ketse, onyń sońy ne bolaryn elestetýdiń ózi qorqynyshty. О́mirlik nárimizdiń – aýyz sý. Biz ony Jaıyq ózeninen alyp otyrmyz. Sol sebepten, ózenniń tazalyǵyna uqypty qarap, ony lastanýdan qorǵaý –basty paryzymyz", deıdi ol.