Prezıdent janyndaǵy Ulttyq qoǵamdyq senim keńesiniń (UQSK) músheleri onlaın rejimde Qazaqstan Respýblıkasy Eńbek jáne halyqty áleýmettik qorǵaý mınıstri Birjan Nurymbetovpen áleýmettik saıasattyń ózekti máselelerin talqylady.
Jumys otyrysyna áleýmettanýshy, «Strategııa» áleýmettik-saıası zertteýler ortalyǵy» QQ dırektory Gúlmıra Ileýova, Qazaqstandaǵy BUU Damý baǵdarlamasynyń jetekshisi Arman Qashqynbekov, «Talap» qoldanbaly zertteýler ortalyǵynyń prezıdenti, Nur Otan partııasy Saıası keńesiniń múshesi Rahym Oshaqbaev, saıasattanýshy, BTS Digital ǵylymı jobasynyń jetekshisi Saıasat Nurbek, áleýmettik kásipker Emın Askerov, Eýropalyq quqyq jáne adam quqyǵy saraptamalyq ınstıtýtynyń dırektory Marat Bashımov, jýrnalıst Maksım Rojın, saıasattanýshy Aıdos Sarym, «Akselerator dobra» respýblıkalyq volonterler qozǵalysynyń jetekshisi Aınur Sábıtova, jýrnalıst jáne qoǵam qaıratkeri Lıazzat Qojahmet qatysty.
UQSK hatshysy Erlan Karın atap ótkendeı, bul keńes músheleriniń mınıstrlermen besinshi kezdesýi. Densaýlyq saqtaý mınıstri Alekseı Soı, Sıfrlyq damý, ınnovasııalar jáne aeroǵarysh ónerkásibi mınıstri Baǵdat Mýsın, Bilim jáne ǵylym mınıstri Ashat Aımaǵambetov jáne Ekologııa, geologııa jáne tabıǵı resýrstar mınıstri Maǵzum Myrzaǵalıev Ulttyq qoǵamdyq senim keńesi múshelerimen júzdesken.
Basqosýǵa qatysýshylar mınıstrge qazirgi ózekti saýaldardy qoıyp, jan-jaqty jaýaptaryn aldy. Saıasattanýshy, BTS Digital bilim berý jobasynyń jetekshisi Saıasat Nurbek elimizde qyzmetkerlerdiń erkin ýaqytta jáne qashyqtan jumys isteýine arnalǵan zańnamalyq shekteýler áli saqtalyp otyrǵanyn atap ótti.
«Bul – retteý sharalaryn qajet etetin sharýa, óıtkeni karantınge qatysty jaǵdaı jáne onyń saldary uzaqqa sozylatyn sııaqty», dedi C.Nurbek.
«Talap» qoldanbaly zertteýler ortalyǵynyń dırektory Rahym Oshaqbaev turǵyndarǵa zeınetaqy qarajatyn baspana máselesin sheshýge ǵana emes, ózderi nemese balalarynyń bilim alýyna jumsaýyna múmkindik berý týraly usynys jasady.
«Prezıdent alǵashynda zeınetaqy qarajatyn bilim alýǵa jumsaý týraly aıtty, biraq biz ony jumys tobynda talqylaǵan kezde kópshilik búginde Qazaqstanda bilim alýǵa qajetti quraldar jetkilikti degen toqtamǵa keldi. Olar odan góri aqysy qymbatqa túsetin emdeý sharalaryna bólý joldaryn qarastyrýdy jón kórdi. Qazir zań jobasy Parlament qaraýynda jatyr. Biz Eńbek jáne áleýmettik qorǵaý mınıstrliginde bilim alýdyń jeńil joldary bar degen sheshimge keldik – eger biz qandaı da bir azamatqa zeınetaqy qarajatynyń belgili bir mólsherin alýǵa múmkindik bersek, eger ol ony bilim alýǵa jumsasa, onda turǵan eshteńe joq. Eger siz UQSK múshesi retinde qoldaý kórsetseńiz, depýtattar da osyndaı pikirde bolsa, muny Parlamentte sheshýge bolady», dep jaýap berdi Birjan Nurymbetov.
«Akselerator dobra» respýblıkalyq volonterler qozǵalysynyń jetekshisi Aınur Sábıtova mınıstrge volonterlik jumysty negizgi jumys tájirıbesine qosýdy usyndy.
Otyrystyń sońynda kezdesý barysynda aıtylǵan usynystar mınıstrlik tarapynan qabyldaıtyndyǵy aıtyldy. О́z kezeginde, Eńbek jáne halyqty áleýmettik qorǵaý mınıstri B.Nurymbetov birqatar máselelerdi pysyqtaýǵa vedomstvo janyndaǵy jumys tobyna UQSK múshelerin de shaqyrdy.