Astanadaǵy Táýelsizdik saraıyndaǵy «Jańa Jibek joly» II halyqaralyq kóliktik-logıstıkalyq bıznes-forýmynyń jıyny eki kúnge jalǵasty. Ony Qazaqstannyń «KAZLOGISTICS» kólik odaǵy uıymdastyryp, oǵan 20-ǵa jýyq damyǵan elderdiń saladaǵy bilgir mamandary men kompanııalar jetekshileri qatysty.
Astanadaǵy Táýelsizdik saraıyndaǵy «Jańa Jibek joly» II halyqaralyq kóliktik-logıstıkalyq bıznes-forýmynyń jıyny eki kúnge jalǵasty. Ony Qazaqstannyń «KAZLOGISTICS» kólik odaǵy uıymdastyryp, oǵan 20-ǵa jýyq damyǵan elderdiń saladaǵy bilgir mamandary men kompanııalar jetekshileri qatysty.
Forýmnyń keshegi ashylý saltanatynda Premer-Mınıstr Serik Ahmetov sóz sóıledi. Sózin qurlyqtar arasynda kóliktik saýda aǵymyn damytý Qazaqstannyń básekelestik qabiletin arttyrady, dep bastaǵan Úkimet basshysy Eýrazııa kóliktik-logıstıkalyq júıege qatysýshylardyń barlyǵyn shoǵyrlandyrý jáne básekege qabilettiligi joǵary transkontınentaldik dálizderdi qalyptastyrý boıynsha tıimdi sheshimder ázirleý úshin kópjaqty qarym-qatynastyń mundaı qaǵıdalaryn qurýdy óte mańyzdy jáne ózekti dep sanaıtyndyǵyn atap kórsetti. «Qazaqstan bıznes-forým formatynda osy dıalog alańyn qurýǵa bastama jasady. О́ıtkeni, qurlyqtar arasynda kóliktik saýda aǵymyn turaqty túrde damytý Qazaqstannyń básekelestik qabiletin qalyptastyrýǵa múmkindik beredi. Sondyqtan Memleket basshysy «Qazaqstan – Jańa Jibek joly. Eldiń kólik áleýetiniń damýy» jobasyn júzege asyrý ıdeıasyn usynǵan bolatyn», – dep jalǵady sózin S.Ahmetov.
Úkimet basshysy munan keıingi sózinde atalǵan baǵytta atqarylyp jatqan jumystarǵa toqtalyp ótti. Alǵa qoıǵan maqsatqa qol jetkizý úshin Úkimet respýblıkanyń kólik júıesi ınfraqurylymyn damytý men yqpaldastyrýdyń 2020 jylǵa deıingi baǵdarlamasyn ázirledi. Kóliktik-logıstıkalyq aktıvterdi biryńǵaı keshenge yqpaldastyrý boıynsha sharalar júzege asyrylýda. Shyǵys-Batys, Soltústik-Ońtústik baǵytynda halyqaralyq kólik dálizderin ońtaılandyratyn avtomobıl jáne temirjoldardyń qurylysy boıynsha aýqymdy jumystar júrgizilýde. «Forým aıasynda talqylanatyn ıdeıalar men usynystar óńir elderiniń álemdik kóliktik-logıstıkalyq qyzmet kórsetýge belsendi yqpaldasý isinde oń serpin beredi dep senemin», dep sózin túıindedi Premer-Mınıstr.
«Jańa Jibek joly» jobasy – júk tasymaly qyzmetindegi revolıýsııa. Bul jóninde «Qazaqstan – Jańa Jibek joly» II halyqaralyq kóliktik-logıstıkalyq bıznes forýmy barysynda «DP World» álemdik port operatorlary Dırektorlar keńesiniń prezıdenti Ahmed bın Sýlaım aıtty. «Qazaqstannyń geografııalyq ornalasqan jeri strategııalyq turǵydan mańyzdy. Qytaıdaǵy óndiristiń ózgerýin esepke ala otyryp, bul joba júzege asyrylady dep oılaımyz. Sebebi, ol araqashyqtyqty kóp qysqartady. Biz, DP World logıstıkalyq porttardy damytýdaǵy óz tájirıbemizben Aqtaýda da, Qorǵasta da bólise alatynymyzdy aıtqym keledi. Biz Eýropanyń iri termınaldarynda, konteınerlerinde, porttary men qazirgi zamanǵy temirjoldarynda jumys isteımiz. Pákstan men Úndistanda jeke servısimiz bar», dedi ol.
Ahmed bın Sýlaım atalǵan joba Qazaqstanǵa ǵana emes, oǵan qatysýshy árbir memleket úshin asa mańyzdy ekenin jetkizdi. «Jańa Jibek joly» jobasy júk tasymaly tizbeginde Qazaqstannyń provaıder rólin atqarýyna múmkindik beredi. Bul óte mańyzdy. Eń bastysy osy úderistegi qujattardy retteý isi ońtaıly júrgizilýi tıis. Áıtpese, poıyz joǵary deńgeıde jyldam ári tıimdi bolǵanymen, qujattama sáıkes bolmasa, onda kóp másele týyndaıdy. Mysaly, biz shamamen 14 mln. konteınerdiń tasymalyn uıymdastyramyz. Olardyń barlyǵy eshqandaı qujatsyz-aq júzege asyrylady. «Jańa Jibek joly» jobasy jańa jumys oryndaryn ashyp qana qoımaı, jańa bıznestiń qurylýyn qamtamasyz etedi degen oıdamyz. Mysaly, 1985 jyly bizdiń aýmaqta jumys isteıtin 10-ǵa jýyq kompanııa bar edi. 2013 jyly olardyń sany 8,5 myńnan asty. 1985 jyly jumysshylar sany 500 adamdy qurasa, qazirgi qyzmetkerler sany 250 myńǵa jetedi. Sondyqtan, bul joba iske qosylsa, ol tek Qazaqstanǵa ǵana emes, oǵan kórshi ár el úshin mańyzdy bolmaq», dep aıaqtady sózin Ahmed bın Sýlaım.
Kelesi jyldyń alǵashqy toqsanynda Birikken kólik-logıstıkalyq kompanııa iske qosylady. Bul týraly «Qazaqstan temir joly» UK» AQ prezıdenti Asqar Mamın jýrnalısterge bergen suhbatynda málimdedi. Sondaı-aq ol, 2020 jylǵa deıin elimizdiń kóliktik-logıstıkalyq salasy men onyń ınfraqurylymdaryna 60 mlrd. AQSh dollary kóleminde ınvestısııa tartylatynyn da aıtty.
Atalǵan bıznes-forým aıasynda birqatar memorandýmǵa qol qoıyldy. Sonyń biri – «QTJ» UK» AQ prezıdenti A.Mamın, «Reseı temir joly» AAQ prezıdenti V.Iаkýnın jáne «Belorýssııa temir joly» kompanııasynyń basshysy V.Mıhaılıýk qol qoıǵan Birikken kólik-logıstıkalyq kompanııasyn qurý boıynsha sharalardyń jospar-kestesi.
Nurbaı ELMURATOV,
«Egemen Qazaqstan».