Halyqaralyq qarttar kúnine oraı Radıoelektronıka jáne baılanys áskerı-ınjenerlik ınstıtýtynyń áskerı qyzmetshileri demeýshi bolyp qarttardy respýblıkalyq jáne óńirlik merzimdi basylymdarǵa jazýdy uıymdastyrdy, dep habarlaıdy Egemen.kz.
"Aǵa býyn ókilderi merzimdi baspasóz basylymdarynyń turaqty oqyrmandary ekeni málim. Mereke kúnine oraı ol kisilerge ıgilikti is jasap, qarapaıym syılyq jasaýdy uıǵardyq. Endi qarttar úıiniń turǵyndary baspasóz basylymdaryn turaqty túrde alady", - dep atap ótti áskerı oqý ornynyń bastyǵy general-maıor Asqar Mustabekov.
Kelesi jartyjyldyqtan bastap Almaty qalasyndaǵy arnaıy áleýmettik kómek kórsetý ortalyǵynyń kitaphanasyna respýblıkalyq jáne óńirlik baspasóz basylymdary kelip turatyn bolady.