Elimizdiń «Turǵyn úı qatynastary týraly» Zańyna engizilgen ózgertýlerge baılanysty soǵys ardagerleri men jetimder úıinde tárbıelenetin balalar memlekettik turǵyn úı qorynan kezekten tys páter alýǵa quqyly.
Elimizdiń «Turǵyn úı qatynastary týraly» Zańyna engizilgen ózgertýlerge baılanysty soǵys ardagerleri men jetimder úıinde tárbıelenetin balalar memlekettik turǵyn úı qorynan kezekten tys páter alýǵa quqyly.
Osy zańǵa oraı oblys ákimi Qanat Bozymbaev ata-ana qamqorlyǵyna zárý 15 jetkinshekpen jylyshyraıly kezdesý ótkizip, olarǵa tıesili páter kiltterin saltanatty jaǵdaıda tabys etti. Páterli bolǵan jetimderdiń arasynda Q.Sarymoldaev atyndaǵy balalar úıin 2008 jyly bitirgen Aleksandr Mýravev degen jigit te bar. Úılenip, bir balanyń ákesi atanǵan ol búginde qala mańyndaǵy Shóldala aýylynda páter jaldap turyp jatqan bolatyn. Taraz qalasyndaǵy «Báıterek» shaǵyn aýdanynan berilgen «óz úıi – óleń tóseginiń» tabaldyryǵynan attaǵan ol «myna baqyt, myna syı-sııapat ras pa, ótirik pe?» degendeı, qýanyshtan jylap jiberdi. Osyndaı taǵy bir páter ıesi Aıdos Qoılybaev áli 9-synypta oqyp júr eken. Endi, mine, ol da óziniń úı-jaıy joq ápkesi ekeýi baspanaly bolǵanyna qýanyp, páterleriniń tabaldyryǵynan oń aıaqtarymen attady.
Búginde Taraz qalasyndaǵy Q.Sarymoldaev atyndaǵy balalar úıinde – 283, al Merki aýdanyndaǵy V.Savva atyndaǵy balalar úıinde 144 jetim bala turǵyn úıge zárý.
Kósemáli SÁTTIBAIULY,
«Egemen Qazaqstan».
Taraz.