Qazaqstan Respýblıkasy Memlekettik qyzmet isteri agenttiginiń Soltústik Qazaqstan oblysy boıynsha aýmaqtyq departamenti «Egemen Qazaqstan» gazetiniń ústimizdegi jylǵy 31 qazandaǵy nómirinde jarııalanǵan «Jemqorlyq joq degenge kim senedi?» atty maqalaǵa oraı tómendegi jaılardy habarlaıdy.
Qazaqstan Respýblıkasy Memlekettik qyzmet isteri agenttiginiń Soltústik Qazaqstan oblysy boıynsha aýmaqtyq departamenti «Egemen Qazaqstan» gazetiniń ústimizdegi jylǵy 31 qazandaǵy nómirinde jarııalanǵan «Jemqorlyq joq degenge kim senedi?» atty maqalaǵa oraı tómendegi jaılardy habarlaıdy.
Tártiptik keńeske bıylǵy jyldyń 6 tamyzynda kommýnaldyq turǵyn úı qorynan turǵyn úı berý barysynda «Sybaılas jemqorlyqqa qarsy kúres týraly» Zańnyń 12-baby 1-tarmaǵy 10-tarmaqshasynda kózdelgen sybaılas jemqorlyqqa jaǵdaı týǵyzatyn quqyq buzýshylyq jibergeni úshin Petropavl qalasy prokýrorynyń turǵyn úı komıssııasyna shara qoldaný týraly usynysy tústi. Ony keńes otyrysyna daıyndaý barysynda prokýratýranyń oblys jáne qala ákimdikteri atyna da usynystar joldaǵany belgili boldy. Osyǵan sáıkes, qala turǵyn úı-kommýnaldyq sharýashylyǵy, jolaýshylar kóligi jáne avtomobıl joldary bólimi sektor meńgerýshisi men ınspektory tártiptik jaýapkershilikke tartylǵan. Al tártiptik keńes hatshylyǵy usynysqa sáıkes tekseris júrgizip, nátıjesinde qyzmetterinde jiberilgen sybaılas jemqorlyqqa jaǵdaı týǵyzatyn quqyq buzýshylyq derekteri bolǵan turǵyn úı komıssııasy múshelerine qatysty tártiptik is qozǵady. Keńes otyrysyna deıin onyń múshelerine aldyn ala zerdeleý úshin tártiptik ister qujattarynyń kóshirmeleri jiberildi.
Prokýrordyń usynysynda kórsetilgen derekterdi talqylaý barysynda tártiptik keńes músheleriniń pikirleri ekige jaryldy. Atap aıtqanda, keńes tóraǵasy men keńes múshesi «Qyzyljar-Aqparat» JShS dırektory turǵyn úı komıssııasy músheleriniń is-áreketterinde sybaılas jemqorlyq quqyq buzýshylyqtar bar dep eseptep, olardy jemqorlyqqa jaǵdaı týǵyzatyn quqyq buzýshylyq jasaǵandary úshin jaýapkershilikke tartýdy usyndy. Qalǵan keńes músheleri usynysta kórsetilgen dálelderdiń 2006-2008 jyldarǵy oblystyq prokýratýranyń aktilerine qaıshy keletinine nazar aýdardy. Ol aktilerge sáıkes turǵyn úı jaǵdaıyn jaqsartýǵa muqtaj tulǵalarǵa turǵyn úı usynýdan bas tartý (normatıvterge sáıkes kelmeıtin) zańsyz bolyp tabylady, otbasynyń basqa músheleriniń ortaq menshik quqyǵyndaǵy turǵyn úıi bar tulǵalar turǵyn úıleri joq dep tanylady jáne esepten shyǵarýǵa jatpaıdy. Sondyqtan, keńes músheleriniń basym kópshiligi prokýrordyń usynysynda kórsetilgen turǵyn úı komıssııasy bir adamǵa ekinshi ret úı berdi degen aıypty negizsiz dep tapty.
Budan basqa, keńes músheleri turǵyn úı komıssııalary týraly Úlgilik erejede múliktiń bar-joqtyǵy týraly suraýdy jalpy respýblıkalyq deńgeıde anyqtaý qajettiligi tikeleı kórsetilmegenine nazar aýdaryp, usynysta atalǵan kemshilikter turǵyn úı komıssııasy músheleriniń is-áreketterinen emes, qujattardy daıyndaǵan mamandardyń kinásinen jiberilgen degen pikirge toqtaldy. Sonymen qatar, isti qaraý barysynda qala prokýrory keńes músheleriniń suraǵyna turǵyn úı komıssııasymen azamattarǵa turǵyn úı usynǵanda kezektiliktiń buzylmaǵany týraly túsinikteme berdi. Nátıjesinde, tártiptik keńes tóraǵasy jáne keńes múshesi «Qyzyljar-Aqparat» JShS dırektory turǵyn úı komıssııasy áreketinde sybaılas jemqorlyq quqyq buzýshylyq bar dep eseptep, tıisti jaýapkershilikke tartý qajet dep daýys berdi. Al qalǵan tártiptik keńes músheleri turǵyn úı komıssııa músheleriniń is-áreketterinde sybaılas jemqorlyq quqyq buzýshylyq belgileriniń joqtyǵy jóninde qorytyndy jasap, tártiptik isti toqtatý qajet dep daýys berdi.
Otyrys qorytyndysy boıynsha, Memlekettik qyzmet isteri agenttiginiń Soltústik Qazaqstan oblysy boıynsha departamenti Qurylys jáne turǵyn úı-kommýnaldyq sharýashylyq isteri agenttigine jalpy respýblıka aýmaǵy boıynsha jyljymaıtyn múliktiń bar-joqtyǵy týraly suraýdy joldaýdy komıssııa mindetterine qosý jóninde turǵyn úı Úlgilik erejesine ózgerister engizý týraly usynys hat joldady.
Murat QADYRBEK,
Memlekettik qyzmet isteri agenttigi Soltústik Qazaqstan oblysy
boıynsha aýmaqtyq departamentiniń
basshysy, tártiptik keńes tóraǵasy.